- Aziz, g'alaba bilan tabriklaymiz. Bugun juda faol o'ynadingiz. Murabbiyning o'yinga qo'ygan rejasi qanday edi?
- Raqiblarni o'rganish jarayonida uchinchi hududga katta etibor berdik. Murabbiylarning ko'rsatmalari sababli 100 foiz kuchni maydonga tashladik. G'alaba uchun qattiq intildik va muhim uch ochkoni qo'lga kiritdik. Turnir jadvalidagi holatimizni biroz bo'lsa-da yaxshilab oldik. Endi faqatgina oldinga harakatlanish kerak.
- Ushbu 2 o'yin davomida jamoaning o'yiniga qanday tasir o'tkazdingiz deb hisoblaysiz?
- CHempionlik davrimizdagi natijalarni qayd etishga harakat qilyapmiz. "Loko"da oldin ham o'ynaganman va shu sababdan jamoaga qanday vazifa qo'yilishini bilaman. Har bir o'yinda 3 ochko olish uchun intilyapmiz, yigitlar ham borini berishmoqda. Muhimi jamoaning asosi bor, qadam va qadam o'z ko'nikmalarimizni rivojlantiryapmiz, xatolarni kamaytirish borasida ishlayapmiz. Endi yirik hisobda ham yutishni bilish kerak, chunki 1:0 doimo xavfli hisob bo'lib kelgan.
Bosh sahifaga
105
