Bugungi o'yinlandan oldin ortda qolgan 3-turda kiritilgan ikkita shedevr golni suratlar ketma-ketligida etiboringizga havola etamiz.
Birinchisi afsuski o'zbekistonliklarni xursand qilmagan gol. "Paxtakor"ga qarshi bahsda "Al Hilol" dirijyori Sebastyan Jovinko 1-bo'limga qo'shib berilgan daqiqalarda Farruh Sayfiev tomonidan o'ziga nisbatan ishlatilgan qo'pollik uchun belgilangan jarima zarbasini qoyilmaqom tarzda ijro etdi. SHedevr golni suratlar yordamida tomosha qiling va o'zingiz baho bering.
To'p nuqtaga qo'yilmoqda.
"Sanat asari".
Ideal yo'llangan zarba va chiroyli yakun.
Qizig'i, ikkinchi gol ham bevosita o'zbek futbolchisiga aloqador. "C" guruhi doirasida hamyurtimiz Otabek SHukurov to'p tepadigan "SHarja" jamoasi Qatarning "Al Duhayl" klubiga qarshi kurash olib bordi. Ana shu uchrashuvning 51-daqiqasida "Duhayl"ning eronlik legioneri Ramin Rizoyan SHukurov jamoasi darvozasi tomon belgilangan jarima zarbasini qoyilmaqom tarzda ijro etdi. Yaxshisi o'zingiz tomosha qiling va baho bering.
Negadir jarima zarbasi belgilanganidan keyin ichimdagi "men" - o'rtaga bor, hozir nimadir bo'ladi, dedi) Darvoza ortidagi operator turgan joyga yugurib bordim.
Rizoyanning "sanat asari".
Ajoyib kadrlarni "ushlay" olganimdan juda xursand bo'ldim va menga qarab qo'ygan haligi operatorga qarab tabassum ila zo'r ishorasini qildim, u ham menga xuddi shunday javob qaytardi. Ha, u ham zo'r kadrni olish qanchalik mazaligini biladi.
Tolibjon Qosimov
Doha, Qatar.
Bosh sahifaga
103
