Rasman: O'zbekiston milliy terma jamoasi oktyabr oyida safarda BAA bilan o'ynaydi

2020-09-17 17:50:02 / Kiritdi: BestMaster O'qilgan: 227

O'zbekiston milliy terma jamoasi JCH-2022 va Osiyo kubogi-2023 qo'shma saralash bosqichi keyingi yilga qoldirilganiga qaramay, mazkur bosqich uchrashuvlariga tayyorgarlik jarayonini reja asosida olib boradi.

SHu sababli, milliy jamoamiz oktyabr oyida Toshkentda o'quv-mashgulot yig'inini tashkil etadi. Ushbu yig'in doirasida avval xabar berganimizdek ikkita xalqaro o'rtoqlik o'yini rejalashtirilgan.

Dastlab, Vadim Abramov murabbiyligi ostidagi milliy terma jamoamiz Eronga qarshi o'rtoqlik uchrashuvida maydonga tushadi. Ushbu uchrashuv Eron Islom Respublikasi futbol federaciyasining iltimosiga binoan bir kun keyinga yani 8 oktyabrga ko'chirildi. Mazkur bahs “Paxtakor” stadionida soat 18.00 da boshlanadi.

SHuningdek, O'zbekiston milliy terma jamoasi 12 oktyabr kuni Dubay shahrida BAA vakillariga qarshi o'rtoqlik o'yini o'tkazadi.

Teglar: rasman, ozbekiston, milliy, terma, jamoasi, oktyabr, oyida, safarda, bilan, oynaydi,
← Oldinga Orqaga →