Bugun qanot himoyachisi Yosir Al SHahronida virus aniqlangani haqida xabar bergan edik.
"Al Hilol" matbuot xizmati bergan xabarga ko'ra, jamoaning yana 3 nafar o'yinchisida Covid-19ga topshirilgan test natijalari ijobiy chiqqan. Ulardan ikki nafari darvozabon: Abdulloh Al Jadani, Navaf Al G'amdi hamda yana biri markaziy himoyachi: Abdulloh Al Hafiz. Al Hafiz "Paxtakor"ga qarshi 3 kun oldingi o'yinda to'liq o'ynagan edi. Hozirga kelib riyodliklar tarkibida faqat bir nafar soppa-sog' darvozabon qoldi. Bu jamoaning asosiy kiperi, Salmon Al Farajdan keyingi sardor Abdulloh Al Muayuf.
17-raqamda harakat qiladigan markaziy himoyachi Abdulloh Al Hafiz.
Ayni paytga kelib "Al Hilol"ning jami 10 nafar futbolchisida koronavirus aniqlandi. Bular:
Darvozabonlar: Muhammad Vakid, Abdulloh Al Jadani, Navaf Al G'amdi.
Himoyachilar: Muhammad Al Burayk, Yosir Al SHahroni, Abdulloh Al Hafiz.
Yarim himoyachilar: Salmon Al Faraj, Hamad Alabdan, Navaf Al Obid.
Hujumchi: Saloh SHehri.
Eslatib o'tamiz, ishtirokchi jamoalarning barchasi kecha ertalab navbatdagi bor Covid-19ga test topshirishgan edi.
4-turdan o'rin olgan "Paxtakor" - "Al Hilol" uchrashuvi mahalliy vaqt bilan 21:00 (Toshkent vaqti bilan 23:00)da start oladi. Bahs "Al Janub" stadionida bo'lib o'tadi.
Bosh sahifaga
179
