"Jangovar va qiziqarli o'yin guvohiga aylandik. Birinchi davrada Jizzaxda o'tgan uchrashuvda o'z darvozamizdan to'p olib chiqqandik, qolaversa Yovan Jokich ikkita sariq kartochka olib maydondan chetlatilgan edi. Bu safar Dilshod Jo'raev shunday vaziyatga tushib qoldi.
Lekin, o'yindan taassurotlar yomon emas. Faqat natija yo'q. Birinchi bo'limda ham golli vaziyatlardan foydalana olmadik. Undan ham yaxshiroq o'ynashimiz kerak edi. Men o'ylaymanki, ikki jamoa haqli ravishda bir ochkoni qo'lga kiritdi. Bizni qo'llab-quvvatlab turgan muxlislarga minnatdorchilik bildirmoqchiman. Futbolchilarim 10 kishi bo'lib, hisobda ortda borayotib qo'lni tushurishmadi. Yakunda standart vaziyatdan gol urdik.
Bugun ko'plab tanishlar, befarq bo'lmagan insonlar, turli saytlar, OAVlar va muxlislar tug'ilgan kunim bilan tabriklashdi. Fursatdan foydalanib sizlarni sayt orqali o'zimni minnatdorchiligimni bildiraman. Ularga javob yozishga vaqtim bo'lmadi. Hali telefonimni ham ochganim yo'q. Yana nega javob bermadi, taltayib ketdi degan hayolga borishmasin. Hammaga rahmat.
Faqat Suhrob Sultonovda muammo bor, qolganlar o'yinga tayyor edi. Valijon Rahimov ham o'tgan uchrashuvda yomon turmadi. Qo'l ostimdagi shogirdlarimni hammasiga o'yin amaliyoti berishga harakat qilmoqdaman. Roman Abdulovni bugungi uchrashuvga asosiy tarkibga qo'ydim, ammo o'yini ko'ngildagidek chiqmadi. Bu mening xatoim. Bu hayotda bo'lib turadigan narsa. Yigitlarga darvozabonimizni xatosini yuvib ketishgani uchun rahmat. Futbolda bunday holatlar tez-tez uchrab turadi ",- deydi Qosimov.
Bosh sahifaga
198
