Saytimiz o'z annasiga sodiq qolgan holda tur laureatlarini aniqladi.
"Navbahor" bilan o'tgan o'yinda "Lokomotiv" posboni Javohir Ilyosov munosib harakat qildi va o'z darvozasi dahlsizligini saqlab qoldi. Ilyosov raqibning bir nechta zarbalaridan keyin seyv namoyish etdi va championat.asia talqiniga ko'ra 15-turning eng yaxshi darvozaboni deb topildi.
O'tgan turda "So'g'diyona"ga ajoyib gol urib eng chiroyli gol muallifi bo'lgan "Mashal" yarim himoyachisi Sirojiddin Qo'ziev "Bunyodkor"ga qarshi bahsda ham raqib darvozasiga ajoyib gol urdi. SHu tariqa ketma-ket ikkinchi tur Qo'zievning goli Championat.asia talqiniga ko'ra turning eng chiroyli goli deb topildi.
"Metallurg" ustozi Andrey SHipilov o'tgan tur ham saytimiz talqiniga ko'ra eng murabbiy bo'lgandi. Bu turda esa bekobodliklar Qo'qonda g'alabaga erishishdi. Bu mavsum "Qo'qon-1912" o'z maydonida hali hech qaysi jamoaga yutqazmagandi. SHu bois Championat.asia talqiniga ko'ra Andrey SHipilov 15-turning eng yaxshi murabbiyi deb topildi.
"Paxtakor" OCHL bahslariga yo'l olishdan oldin "Buxoro"ga qarshi bahsni o'tkazgandi. 15-turdan o'rin olgan uchrashuvda "sherlar" 4:0 hisobida zafar quchishgandi. O'sha uchrashuvda Jaloliddin Masharipov bitta gol urib, ikkita golli pas bergandi. Championat.asia talqiniga ko'ra Jaloliddin Masharipov 15-turning eng yaxshi futbolchisi deb topildi.
Bosh sahifaga
1287