Keskin kurashlar ostida kechgan uchrashuvda tomonlar 2:2 hisobida durang natijaga imzo chekishdi. Uchrashuvdan so'ng mehmonlar bosh murabbiyi Sergey Lushchan fikrlari bilan o'rtoqlashdi.
"O'yinni yaxshi boshladik. Umuman olganda qiziqarli o'yin bo'ldi. Qanday jamoaga qarshi maydonga chiqishimizni bilardik. Ikki jamoa ham ochiq o'yin namoyish etdi. Birinchi golni urdik, so'ng ikkinchisini. Biroq, g'alabani saqlab qola olmadik. Bu durang biz uchun mag'lubiyatga teng. Maqsadimiz Superligaga yo'llanma olish. Buning uchun yutishimiz kerak. Alamli durang, g'alabani ushlab qola olmadik. Ohirgi daqiqada o'z darvozamizni ishg'ol qilib qo'ydik. Hammasini o'zimiz olib keldik. Ishlashda davom etamiz, oldindagi o'yinlarda g'alaba qozonishimiz shart.
Goldan keyin o'yinni bo'shashi bu ruhiyat bog'liq. Hamma jamoada shunaqa, gap ruhiyatda. Jamoadagi ko'p futbolchilar 3 hafta oldin ro'yxatdan o'tkazilgan, ularni o'zaro tushunib olishi uchun ham vaqt kerak. 3-4 futbolchilar hali bir-birini bilishmaydi.
"SHo'rtan" jamoasiga qoyil, ohirigacha kurashdi. Jarima maydonchamiz ichida havfli vaziyatlar sodir etdi. Maqsadimiz kuchli to'rtlikka kirish va o'yindan-o'yinga kuchayib borish. Oldinga intilishda davom etamiz",- deydi Sergey Lushchan.
Bosh sahifaga
151