"Bugun "SHahr Xodro" bilan durang o'ynadik va keyingi bosqichga chiqdik. Ko'plab futbolchilarimiz bugun bizga yorda bera olishmadi. Tajribasi yo'q futbolchilar bilan o'ynashga majbur bo'ldik. Ikkinchi muammo zaxiramizda o'yinchi yo'qligida edi. Ammo biz kurashdik, bundan xursandman. Bunday jamoada ishlayotganimdan baxtliman, ertaga nima bo'lishini bilmayman, ammo bugun keyingi bosqichga chiqqanimizdan mamnunman", - deydi Rezvan Luchesku.
- O'yindan oldin futbolchilarga nima dedingiz?
- Bizga bir ochko kerak edi. Juda ehtiyotkor bo'lish va o'z imkoniyatimizdan foydalanish kerak edi. Oxirigacha kurashish va sovrinni o'zimizda saqlab qolishimiz lozim.
- Jamoadagi ichki muhit qanday? Yana kasallar paydo bo'ladi deb o'ylaysizmi?
- Bu bizga bog'liq bo'lmagan holat. Ammo yuzaga kelgan vaziyatga qaramay o'ynashga intildik. Bu o'ziga xos chorlov.
- Guruhdagi so'nggi tur o'yini sizlar uchun rasmiyatchilikka aylanadi. Natija muhim emasmi?
- Biz nima bo'lgan taqdirda ham bo'lajak o'yinda kurashamiz.
- Keyingi bosqichga chiqqaningiz bilan tabriklayman. Guruhda qaysi jamoa ikkinchi yo'llanmaga ega chiqishini xohlardingiz: "SHabab Al Ahli" yoki "Paxtakor"?
- Bu savolga javob berish men tomonimdan biroz noto'g'ri bo'lishi mumkin. Ammo "Paxtakor" juda ham tartibli o'ynaydigan, himoyadan hujumga o'tishdagi harakatlari bu jamoani G'arb mintaqasidagi eng kuchli klublardan biri ekanini ko'rsatadi. Barchasi bugungi o'zaro bahsda hal bo'ladi. "Paxtakor" biz bilan ikkita o'yinda juda ko'p kuch yo'qotdi. Biroq o'zbek klubining zaxirasida ham yaxshi futbolchilar bor, shu bois menimcha keyingi bosqichga aynan "Paxtakor" chiqsa kerak.
"Al Hilol" bosh murabbiyi: "Guruhdan "Paxtakor" ham chiqsa kerak"
/ Kiritdi: BestMaster O'qilgan: 242
Bosh sahifaga
131
