Klaudio Raneri: “Futbolchilarimdan bunchalik kuchsiz o'yin kutmagandim”

“Juda xafaman, boisi futbolchilarimdan bunday kuchsiz o'yin kutmagan edim. Yutqazishimiz mumkin, ammo biz kurashishimiz shart. Aynan shu narsani qilmadik. Agar shunday davom etsak, umuman g'alaba qozona olmaymiz. Biz tortindik, qo'rqdik, kuchsizlik qildik. Nima uchun bunday bo'lganligini bilmayman. “Yuve”ning chiziqlar bo'ylab harakat qilishini bilardim va shuning uchun o'tgan mavsumdagidek 5 yarim himoyachini tushirdim. Farq shundaki, o'tgan mavsum biz “Yuventus”ga bosim o'tkaza olgan va yuqori pressingni qo'llay olgandik. Bu o'yinda esa buni qila olmadik”, — deydi Raneri.