Serxio Batista: "O'yin durangga mos edi" LIVE

"Bugungi o'yin durang natijaga mos edi. Jamoamiz 90 daqiqa davomida bahsni nazorat qiladigan darajada o'ynadi. O'zbekiston o'zining juda ham kam imkoniyatidan unumli foydalandi va gol urib g'alaba qozonib ketdi. Besh daqiqa davomida konsentraciyani yo'qotdik va raqib bizni jazoladi. Stadionga kelgan barcha muxlislar chiroyli o'yin ko'rishdi", - deydi Batista.

- O'yinda g'alaba qozonmoqchimiz degandingiz. Ammo faqat gol o'tkazgach hujumga o'tdinglar?
- Birinchi bo'limda to'p asosan markazda bo'ldi. Ikkala jamoa ham bir biriga o'yin bermadi. Ikkinchi bo'limda gol o'tkazib yuborgach hisobni tenglashtirishga urindik. Ko'pchilik bo'lib hujumga o'tdik.

- Birinchi bo'limda shogirdlaringizga sekinroq o'ynanglar deb ko'rsatma bergandek tuyuldi. Filippindagi o'yin natijasini kuzatib bordingizmi?
- Albatta Filippindagi o'yinni bilganimiz bilan O'zbekistonga qarshi o'ynayotgandik. Asosiy etiborimiz shu o'yinga qaratdik. Narigi o'yinning natijasini ham kuzatib bordik. Biz O'zbekistonga 3 ochko olish uchun kelgandik, buni o'yin davomida barcha ko'rdi. Ikkala jamoa bir biriga teng o'ynadi. Menimcha durang adolatli natija bo'lardi.