Mazkur musobaqada Respublikamizning turli xududlaridan ikki yosh toifasida jami 23 ta jamoa ishtirok etdi. Futbol uchrashuvlari Farg'ona shahridagi "Futbol markazi" suniy qoplamali maydonlarida tashkil etildi.
Bugun ushbu musobaqaning final bahslari bo'lib o'tdi. Uchrashuvlar yakunida g'oliblar mutasaddi tashkilotlar vakillari ishtirokida turli darajadagi diplom va esdalik sovg'alari bilan taqdirlandilar.
Biz musobaqa tafsilotlari yuzasidan Farg'ona viloyati futbol Associaciyasi vakili Farrux Zokirovga yuzlandik.
"Joriy yilning 17-22 sentyabr kunlari Farg'ona viloyatidagi "Futbol markazi" suniy qoplamali maydonlarida 2007-2008 yillarda tug'ilgan yosh futbolchilar o'rtasida Respublika "Sport maktablari" futbol ligasi musobaqalarining bo'lib o'tmoqda. Bugun mazkur musobaqaning final bosqich uchrashuvlari bo'lib o'tmoqda. 2008-yilda tug'ilgan bolalar o'rtasidagi musobaqaning final uchrashuvida Sirdaryo va Surxandaryo jamoalari to'qnash kelishdi va yakunda surxandaryolik yosh futbolchilar g'oliblikni qo'lga kiritishdi. Ayni damda 2007-yilda tug'ilgan bolalar o'rtasida Namangan va Farg'ona viloyati jamoalari o'zaro kuch sinashmoqdalar.
Bugun mazkur musobaqa yakunida taqdirlash marosimi tashkil etiladi. SHu kabi futbol musobaqalari kelajakda Respublikamiz bo'ylab futbol sport turi bo'yicha turli musobaqalar yanada ko'proq o'tkazilishiga zamin yaratadi" - deydi Farrux Zokirov.
Bekzod Tolibov tayyorladi.
Bosh sahifaga
356