Bartomeu yana sahnada! U Suaresni "Atletiko"ga o'tishini to'xtatib qo'ydi. Urugvaylik g'azabda

Kataloniya klubi prezidenti Jozep Bartomeu Madrid klubi bilan bo'layotgan muzokaralarni to'xtatdi.

Bartomeu kulgili qaror qildi. "Barselona" bosh murabbiyi Ronald Kuman Suaresga ishonch bildirmadi va uni klubdan ketishini xohladi. Klub esa Suaresning bir yillik shartnomasi borligi tufayli unga malum bir miqdorda tovon puli berib xayrlashmoqchi edi.

Ammo, prezident "Barselona" ustozi xohlamayotgan futbolchini majburan ketayotganiga qaramasdan, uning boshqa klubga o'tishidan pul ishlamoqchi.

Uning fikriga ko'ra, madridliklar urugvaylikning transferi uchun pul to'lashlari kerak. Ammo, "Atleti" "Barsa"ga kerak bo'lmay qolgan Suaresni o'z tarkibiga qo'shib olish uchun pul berishi qiyin masala.

Urugvaylik rahbariyatning bu qaroridan g'azabda. Suares ham o'z navbatida advokatlari bilan bog'lanib ular bilan birga voqeani bayon qilish uchun press-konferenciya uyushtirmoqchi. U shu haftada shartnomani bekor qilish bo'yicha "Barselona" bilan hal qilgan og'zaki kelishuv amalga oshishi kerak deb hisoblaydi.