O'yin haqida
Bugungi o'yin har ikkala jamoa uchun juda muhim edi. Oxirgi paytlarda ushbi ikki klub o'rtasida juda ham qiziqarli bahslar guvohiga aylanyapmiz. O'yinni yomon boshlamadik, lekin birinchi bo'limning ikkinchi qismida o'yin tizginini boy berib qo'ydik. Bu orqali o'z darvozamizdan to'p olib chiqishga majbur bo'ldik.
Ikkinchi bo'limda yigitlar o'zlarini ko'rsatishdi va raqib jamoa xatolaridan to'g'ri foydalanishdi. Har ikki jamoa darvozabonlari qandaydir ishonchsiz harakatlanishdi. Hisob 2:2 bo'lib turganida bir nechta qulay imkoniyatlarga ega bo'ldik, oxir-oqibat Jasur Umarovning urgan goli bizga g'alaba keltirdi. Qolaversa, maydon sifati yaxshi holatda emas va bu qiyinchilik tug'dirdi. G'alabadan xursandmiz. Futbolchilar va muxlislarga o'z minnatdorchiligimni bildiraman.
- Statistika bo'yicha AGMK jamoasi tarkibi eng yoshi katta futbolchilardan iborat. Jamoani yoshlar bilan kuchaytirish va selekciya ishlarini amalga oshirish rejada bormi?
- Albatta, kuzatib boryapmiz. Qolaversa, o'zimizni yoshlardan jalb qilamiz. Faqat muammo - yaxshi o'yinchilarni topishda. "Bavariya"ni ko'ryapsizlar, jamoaning o'rtacha yoshi katta bo'lsa ham yirik hisoblarda yutib yuribdi. CHunki ularda o'z tarixi, akademiyasi, maktabi bor.
- Maydonda ko'pincha qiyinchilikka uchraydigan SHahzodbek Nurmatovni qaysi kriteriyalar bo'yicha o'yinga tushirasiz?
- Kimga oson? Kel, seni o'ynatib ko'ramiz, ko'p savol berganingga. Albatta, hazil (kuladi). U bugun zaxiradan maydonga tushib, yomon taassurot qoldirmadi. Mate ham yaxshi o'ynadi.
Bosh sahifaga
144
