Sardor Rashidov: "Bahrayn bugun arab jamoalarining eng yuqori saviyasini ko'rsatdi"

"Bahrayn terma jamoasi Filippinga qaraganda juda yaxshi o'ynadi. Bizlar ulardan bu kabi qarshilikni kutmagandik. Muhimi o'zimiz uchun muhim va kerakli g'alaba erishdik. Safardagi va bugungi o'yin o'rtasidagi farq? Manamada quyosh ostida o'ynagandik. Bugun esa kuchli yomg'ir sharros qo'ydi. O'z uyimizdagi bahsda muxlislarimiz bizni fantastik tarzda qo'llab turishdi. Umuman hozirgi kunda barcha birdek futbol o'ynashni o'rganib olgan. Qo'lga kiritilgan g'alabada ularning ko'maklari katta bo'ldi. Aynan ishqibozlarning olqishlari bizni ruhlantirib turdi. Xato va kamchiliklar barcha jamoalarda uchraydi. Keyingi hal qiluvchi bosqichda yanada kuchli tayyorgarlik ko'ramiz va muxlislarimizning orzularini ruyobga chaqirishga borimizni berib harakat qilamiz. Arab jamoalariga qarshi bo'ladigan istalgan o'yin bugungisidan kuchli bo'lmaydi. Bahrayn ham bugun juda kuchli qarshilik ko'rsatdi. Ular ushbu bellashuvda arab terma jamoalarining eng yuqori saviyasini ko'rsatishdi. Arab jamoalarining saviyasi bundan baland emas. Agarda keyingi bosqichda Yaponiya yoki Koreya tushib qolsa, o'shanda yanada qiyinroq bo'lishi mumkin. Biroq qolgan arab jamoalari Bahrayn namoyish etgan o'yindan kuchliroq qarshilik ko'rsata olishmaydi. Yaponiya va Janubiy Koreya saviya jihatdan arab jamoalaridan bir bosh baland hisoblanadi. Keyingi bosqichda kimlar bilan duch kelishimizni quradan so'ng bilib olamiz", - dedi Sardor Rashidov.