Qatardagi muxbirimizning xabar berishicha, hozirda “Al-Hilol”ning qaydnomasida 13 nafar sog'lom futbolchi bor: ulardan 3 nafari darvozabon, qolganlari esa maydondagi o'yinchilar. Saudiyaliklar 6-tur doirasida o'tadigan “SHabab Al-Ahli”ga qarshi uchrashuvni qoldirishni so'rab, OFKga murojaat qilishgan, ammo ularning navbatdagi iltimosi ham rad etildi.
SHu bois, “Al-Hilol”ning oldida ikkita yo'l qolgan, birinchisi, uchrashuvdan bosh tortib, musobaqadagi ishtirokini yakunlash. Ikkinchisi esa zaxiradagi darvozabonlardan birini o'ynovchi futbolchi sifatida qaydnomadan o'tkazish.
“Al-Hilol” musobaqadagi ishtirokini yakunlasa, jamoaning barcha natijasi nolga tenglashtirilishi va “Paxtakor” 1-o'rin bilan keyingi bosqichga chiqishi haqda oldinroq xabar bergandik.
1. "Paxtakor" – 6 ochko
2. “SHabab Al-Ahli” – 6 ochko
3. “SHaxr Xodro” – 0
Hozircha, saudiyaliklar qanday qarorga kelgani malum emas. Voqealar rivojini kuzatishda davom etamiz.
Ayni paytga kelib "Al Hilol"ning jami 19 nafar futbolchisida koronavirus aniqlandi. Bular:
Darvozabonlar: Muhammad Vakid, Abdulloh Al Jadani, Navaf Al G'amdi.
Himoyachilar: Muhammad Al Burayk, Yosir Al SHahroni, Abdulloh Al Hafiz, Muteb Al Mufarrij, Ali Al Bulayhi, Muhammad Jahfali, Muhammad Kunaydiri.
Yarim himoyachilar: Salmon Al Faraj, Hamad Alabdan, Navaf Al Obid, Salim Al Davsari, Muhammad Kanno, Nossir Al Davsari.
Hujumchilar: Sebastyan Jovinko, Saloh SHehri, Bafetimbi Gomis.
Koronavirusdan davolanib safga qaytganlar: Salmon Al Faraj, Hamad Alabdan.
Eslatib o'tamiz, "Al Hilol" - "SHabab Al Ahli" bahsi bugun, 23 sentyabr kuni mahalliy vaqt bilan 21:00 (Toshkent vaqti bilan 23:00)da start oladi. Bellashuv Dohadagi "Khalifa International Stadium"da bo'lib o'tadi.
"Al-Hilol" ishtirokini davom ettirsa, "A" guruhi peshqadami sifatida keyingi bosqichda "B" kvartetidagi ikkinchi jamoa ("Al-SHorta" yoki "Istiqlol")ga qarshi to'qnash keladi.
Bosh sahifaga
404