"Qiziqarli o'yin bo'ldi. Ayniqsa ikkinchi bo'limda qator vaziyatlardan foydalana olmadik. Bu - futbol, o'zimizning xatolarimiz evaziga darvozamizdan to'p olib chiqdik. Ikkinchi golni o'tkazib yuborganimizdan keyin hisobni tenglashtirishga vaqt ham qolmagandi. Yigitlar ham xech narsa qila olishmasdi.
Ikkinchi bo'limda ham maqsadimiz to'pni nazorat qilish va raqibni to'psiz o'ynatgan holatda charchatish edi. Zaxiradan yangi kuchlarni tushurib hujumni oshirishni istagandik.
Birinchi bo'limda "Zomin" jamoasi jismoniy jihatdan tetik edi, kuch ko'p edi. SHu bois himoyada xato qilmaslikka etibor berdik. "Zomin" jamoasi ikkinchi bo'limda charchashi oqibatida biz ustunlikni o'z tomonimizga og'dirib olmoqchi edik.
Jamoada moliyaviy holat yaxshi. Qarzlar yo'q, o'zimiz g'alaba qozona olmayapmiz. Xatolar ustida ishlaymiz, safimizga kecha yangi ispaniyalik murabbiy kelib qo'shildi. O'ylaymanki, ushbu murabbiy bilan birgalikda yangilik yarata olamiz. Ikkinchi taymda futbolchilar yaxshi o'ynashdi, biz bergan ko'rsatmalarni bajarishdi. Xudo bugun yutishimizni istamagan ekan.
"Zomin" jamoasining maydoni ajoyib, hattoki ayrim Superliga jamoalarnikidan yaxshiroq. Bunday strukturada faqat futbol o'ynashni o'ylash kerak. "Zomin"ning stadioni top darajada, bunday jamoaning o'rni Superligada bo'lishi kerak", - deydi SHog'ulomov.
Bosh sahifaga
93
