“Oldingi intervyularda aytganimdek, “Buxoro” ham yuz foiz kuch bilan o'ynashi kutilgan edi. Sababi biz turnir jadvalida yonma-yon turgan edik. Bugungi o'yin har ikki jamoa uchun hayot va mamot jangi hisoblanardi. Yigitlar ko'rsatmalarimizni to'g'ri tushunib, harakat qilishmoqda. “Buxoro” ham yaxshi jamoa. Bitta g'alabadan bo'shashish kerak emas. Navbatdagi o'yinlarda yanada yaxshiroq harakat qilib, muxlislarimizni xursand qilamiz degan umiddaman.
Farhod Bekmurodovni o'zining poziciyasi bor. Keyingi o'yinlarda uning poziciyasi o'zgaradi. SHu vaqtgacha nechta o'yin o'tkazgan bo'lsak, Xushnudbek Avilovni eng yaxshi himoyachilarimizdan deb bilaman. Keyingi o'yinlarda boshqacha tarkib tushishi mumkin.
O'yindan oldin Nodir Mavlonov penaltini tepishi rejalashtirilgan edi. Agar u bo'lmasa, Usmonali Ismonaliev tepishi kerak edi. Nodir Mavlonovni birinchi bo'limdan so'ng almashtirishga majbur bo'ldik.
Jamoamizda legionerlar katta maosh olishardi. Ularning yordami o'zimizning mahalliy futbolchilarnikidek tegmasligini sezib turgan edik. SHuning uchun legionerlar bilan ikki tomonlama shartnoma bekor qilindi.
“Istiqlol” jamoasini yopilgani haqida kechagina bizga xabar keldi. Bu jamoadagi futbolchilar boshqa jamoalarga o'tishi mumkin. Lekin biz hali ularning o'yinlari diskini ko'rmagandik. Ularning sifatlari haqida tushunchaga ega edik.
Bugungi muvaffaqiyatni jamoamiznining haqiqiy g'alabasini kutgan insonlarga bag'ishlaymiz. Sababi, jamoamiz ichida ham, tashqarisida ham bu yutug'imizga qarshilar ko'p edi”, - deydi Hamidullaev.
Bosh sahifaga
216
