Xayrullo Bozorov 2015 yil 25 noyabr kunidan buyon ayni vaqtgacha Namangan viloyati hokimi lavozimida ishlab kelayotgandi.
O'tgan sal kam 5 yilga yaqin vaqt davomida Xayrulla Hayitbaevich viloyatni yanada rivojlantirish, obod qilish borasida ko'plab xayrli ishlarni amalga oshirdi. Sport, shu jumladan, futbolning ashaddiy muxlisi bo'lgan viloyatning sobiq rahbari davrida Namanganda millionlar o'yiniga bo'lgan etibor ancha oshdi.
Jumladan, viloyat futbol associaciyasiga taniqli sobiq futbolchi SHuhrat Mirxoldirshoev 1-vice-prezident etib tayinlandi. Viloyatning bosh jamoasi “Navbahor” 2018 yilda 14 yillik tanaffusdan so'ng, bronza medalini qo'lga kiritdi.
Aynan Xayrullo Bozorovning qo'llab-quvvatlashi bois, Namangandan ko'plab iqtidorli futbolchilar etishib chiqishdi. Bunga misol tariqasida ayni paytda “Navbahor” va yoshlar jamoasida to'p surayotgan Azizbek Turg'unboev, Abbos G'ulomov, Sardor Telyakov, Komiljon Tojiddinov, Husayn Ergashboev, Islom Abdullaxonov, Ulug'bek Aknazarov, Komiljon Tojiddinov hamda Husayn Ergashboev kabi futbolchilarni keltirish mumkin.
Aynan Xayrullo Hayitbaevichning tashabbusi bilan asli namanganlik bo'lgan ko'plab o'yinchilar “Navbahor”ga qaytarildi.
Bunga Azimjon Ahmedov, G'iyosjon Komilov, Tohirjon SHamsitdinov, Islombek Isoqjonov, Islom Rashidxonov, Abdulhay Ismoilov, Sardor Telyakov va SHohruh Mahmudhojievlarni misol keltirish joiz.
Namangan viloyati sobiq rahbarining millionlar o'yiniga bo'lgan ulkan etibori bois, uzoq yillik tanaffusdan so'ng, “Navbahor”dan birato'la 5 nafar futbolchi O'zbekiston milliy terma jamoasi o'quv-mashg'ulot yig'iniga jalb etildi.
Bundan tashqari, aynan Xayrullo Hayitbaevichning tashabbusi va qo'llab-quvvatlashi natijasida “Navbahor” uy uchrashuvlarini o'tkazadigan “Markaziy” o'yingoh maydoni hamda uning zaxira maydonining maysasi yangilanib, har ikki maydon zamonaviy ko'rinishga keltirildi. SHuningdek, “Markaziy” o'yingohga katta hajmdagi zamonaviy LED tablo, shuningdek, harakatlanuvchi matnli elektron tablolar o'rnatildi.
Xayrullo Bozorov shuningdek, bolalar futboliga ham katta etibor qaratdi.
Aynan Xayrulla Hayitbaevichning qo'llab-quvvatlashi natijasida “Navbahor”ning U-18 yoshlar jamoasi U-18 jamoalari o'rtasidagi chempionatda qatorasiga 2 yil 2-o'rinni qo'lga kiritdi. Namangan viloyat 1-sonli futbol mahorat maktabi va “Navbahor” PFK qoshidagi 17-sonli “Navbahor - Umid” futbol maktabi tarbiyalanuvchilari ko'plab respublika hamda xalqaro musobaqalarda sovrinli o'rinlarni qo'lga kiritishdi.
Futbolga ko'rsatgan ulkan etibori sababli, Xayrullo Bozorovga 2018 yili O'zbekiston Futbol associaciyasining maxsus kubogi topshirilgandi.
SHuningdek, joriy yilning 12 sentyabr kuni Xayrullo Bozorovning qo'llab-quvvatlashi natijasida Namangan viloyat 1-sonli futbol mahorat maktabining zamonaviy yangi binosi foydalanishga topshirildi.
Mazkur binoning ochilish marosimida ishtirok etgan O'zbekiston Respublikasi Jismoniy tarbiya va sport vaziri Dilmurod Nabiev mamlakatimizda jismoniy tarbiya va sportni rivojlantirish hamda keng ommalashtirish, yoshlar o'rtasida sog'lom turmush tarzini qaror toptirish borasidagi salmoqli hissalari uchun Xayrullo Bozorovni mamlakatimizda joriy etilgan “Jismoniy tarbiya va sport alochisi” ko'krak nishoni bilan taqdirladi.
Qisqasi, Xayrullo Hayitbaevich Bozorov viloyat rahbari sifatidagi sal kam 5 yillik faoliyati davomida Namanganni har tomonlama rivojlantirdi hamda futbolga ham katta etibor qaratdi.
Xayrullo Hayitbaevich "Navbahor"ning o'z maydonida o'tkaziladigan har bir o'yiniga tashrif buyurib, jamoa azolari bilan suhbatlashib, ularning ko'ngillarini ko'tarib, g'alabalar sari ruhlantirardi.
“Navbahor” PFK Xayrullo Hayitbaevich Bozorovga yangi faoliyatida omad yor bo'lishini tilab qoladi.
Barchasi uchun Sizga rahmat, Xayrullo Hayitbaevich!, - deb yozadi “Navbahor” PFK matbuot xizmati.
Bosh sahifaga
1318