O'yindan keyingi matbuot anjumanida forslar murabbiyi Yahyo Gulmuhammadi ishtirok etdi.
- Kecha bizni qiziq va shu bilan birga qiyin to'qnashuv kutib turganini aytgandim. O'ylaymanki, bugun taktik kurashlarga boy futbol guvohi bo'ldik. Jamoamning ishtirokidan va keyingi bosqichga chiqqanimizdan mamnunman. O'yinning aksar qismini ko'pchilik bo'lib o'tkazdik, bu ham bizga qo'l keldi. SHunga qaramay oson g'alabani qo'lga kiritdik deya olmayman. Maydonda kurashgan barcha futbolchilarga rahmat aytaman. Ushbu yutuq bilan "Persepolis" muxlislarini tabriklayman. Bemalol bugungi yutuq jamoamiz ishqibozlariniki deya olaman.
- "Persepolis" Dohaga kelganidan beri to'rtta o'yinda gol o'tkazmadi. Buning asosiy siri nimada deb bilasiz?
- Bu ham o'z navbatida tartibli o'yin namoyish etayotganimizni anglatadi. To'rtta uchrashuvda gol o'tkazmaganimiz faqat darvozabon yoki himoyachilar tufayli emas, balki butun jamoa bo'lib shunga harakat qilayotganimizda. Eng avvalo himoyada o'yinni to'g'ri yo'lga qo'yib olsak, hujumda albatta vaziyat bo'ladi.
- Keyingi bosqichdagi raqib "Al Nassr" haqida fikringiz?
- "Al Nassr" juda kuchli jamoa. Ularning o'yinini ko'rgan borki maqtaydi. CHorak finaldan o'tib oldik va buyog'iga navbatdagi bellashuv haqida bosh qotiramiz. Muhimi, ishtiyoqni oxirigacha saqlab qolish. Yarim final bahsi yanada qiyin bo'ladi. SHunga qaramay bor kuchimizni ishga solamiz.
Bosh sahifaga
401