"Terma jamoa murabbiyi sifatida, men uchun asosiysi SHomurodovning "Jenoa"da o'yin amaliyotiga ega bo'lishi. RPL va Italiyaga o'xshagan top chempionatlar o'rtasida katta farq bor deb o'ylamayman. "Rostov" "Jenoa"dan kuchsiz emas. "Inter" va "Yuventus" kabi top-jamoalarga qarshi o'yinlar esa mavsumda unchalik ko'p emas. Agar "Rostov" Evropa Ligasi guruh bosqichiga chiqsa, shunday jamoalarga qarshi o'ynashi mumkin edi.
Moslashish jarayoni hammada har xil o'tadi va buyuk futbolchilar doim ham birdan o'ynab ketishmaydi. Har qanday o'yinchiga yangi ligada moslashish uchun vaqt kerak. Ammo Eldor "Jenoa"da o'ynashi kerak deb hisoblayman. Uning kamtar yigit ekanligi haqiqat, bu unga halal berishi mumkin. Ammo italyanlar - xushmuomala odamlar, ularning tili esa unchalik qiyin emas. Transferga kelsak men bu borada u bilan gaplashmadim. U terma jamoaga kelishi kerak. Uning chiptasi 5-sana uchun. U kela oladimi yoki yo'q, buni bilmayman.
O'zbekistonda ham sifatli o'yinchilar borligini vaqt ko'rsatadi. Biz Rossiya bilan terma jamoa darajasida uchrashishimiz kerak, shunda hamma bu erda futbol bilan hammasi joyida ekanligiga amin bo'lardi. Mahsulot yuzi ko'rsatiladi deydilar. "Paxtakor" "Spartak" (0:4) bilan muvaffaqiyatsiz o'ynadi, ammo bu tasodif. Agar ular yana bir bor uchrashishsa, umuman boshqacha o'yin bo'ladi", - deydi Abramov.
Bosh sahifaga
282