Genuyaliklar 25 yoshli futbolchi uchun bonuslar bilan birga 9 mln evro to'laydigan bo'ldi. SHu tariqa, SHomurodov O'zbekiston tarixida transfer qilingan eng qimmat futbolchiga aylanib oldi. Transfermarkt manbasiga ko'ra, donliklar Eldorni 2017 yil “Bunyodkor”dan 300 ming evroga xarid qilishgandi va bugunga kelib uning transferidan yaxshigina mablag' ishlab olishdi. Albatta, uning narxi ko'tarilishiga jamoada ko'rsatgan yorqin o'yinlari ham sabab bo'ldi.
Bungacha esa transfer sotuvi bo'yicha peshqadamlik O'zbekiston MTJ sardori Odil Ahmedovga tegishli bo'lgan. 2017 yilning yanvarida “Krasnodar” Ahmedovni 7 mln evro evaziga “SHanxay SIPG”ga qo'yib yuborgandi. Malumot o'rnida, Odil 2011 yil "Paxtakor"dan yulduzlarni yig'ayotgan "Anji"ga 1,7 mln, 2014 yil esa "Anji"dan "Krasnodar"ga 4 mln evro evaziga sotilgan. SHu bois, uning eng yuqori transfer summasi reytingga kiritildi.
Kuchli uchlikdan Sardor Rashidov o'rin egalladi. U 2015 yil “Bunyodkor”dan Qatarning “Al Jayish” jamoasiga 2 mln evroga transfer bo'lgan. Sardor hozirda faoliyatini "Qatar SK"da davom ettirmoqda.
Eng qimmat transfer bo'lgan o'zbekistonlik futbolchilar
1. Eldor SHomurodov (25 yosh, hujumchi) – “Rostov” (Rossiya) = “Jenoa” (Italiya)
Transfer summasi: 9 mln evro
2020 yil amalga oshdi
Transfermarkt bo'yicha hozirgi bahosi: 6,5 mln evro
2. Odil Ahmedov (32 yosh, yarim himoyachi)– “Krasnodar” (Rossiya) = “SHanxay SIPG” (Xitoy)
Transfer summasi: 7 mln evro
2017 yil amalga oshgan
Transfermarkt bo'yicha hozirgi bahosi: 2,5 mln evro
SHuningdek, "Paxtakor"dan "Anji"ga (2011 yil, 1,7 mln evro), "Anji"dan "Krasnodar"ga (2014, 4 mln)
3. Sardor Rashidov (29 yosh, vinger) – “Bunyodkor” = “Al Jayish" (Qatar)
Transfer summasi: 2 mln evro
2015 yil amalga oshgan
Transfermarkt bo'yicha hozirgi bahosi: 900 ming evro
4. Server Jeparov (37 yosh, yarim himoyachi) – “Seul” (J.Koreya) = “Al SHabab” (S.Arabistoni)
Transfer summasi: 1,6 mln evro
2011 yil amalga oshgan
Faoliyatini yakunlagan
5. Igor Sergeev (27 yosh, hujumchi) – “Paxtakor” = “Al Dafra” (BAA)
Transfer summasi: 1,5 mln evro
2018 yil amalga oshgan
Transfermarkt bo'yicha hozirgi bahosi: 1,5 mln evro
5. Oston O'runov (19 yosh, hujumkor yarim himoyachi) – “Ufa” (Rossiya) = “Spartak” (Rossiya)
Transfer summasi: 1,5 mln evro
2020 yil amalga oshdi
Transfermarkt bo'yicha hozirgi bahosi: 1,5 mln evro
ECHLda o'ynagan o'zbekistonlik futbolchilar
Evropa Ligasida o'ynagan o'zbekistonlik futbolchilar
Eldor Akmurzaev tayyorladi
Bosh sahifaga
187
