O'zbekiston U-19 "Lokomotiv-BFK"ni mag'lub etdi

Toshkentdagi yig'in doirasida dastlabki "Metallurg" bilan o'ynab 1:0 hisobida zafar quchgan Jasur Abduraimov shogirdlari kecha "temiryo'lchilar"ni 2:0 hisobida mag'lub etishdi. Bekobod klubiga qarshi bahsda yagona golga "Nasaf" hujumchisi Bobur Abduxoliqov mualliflik qilgan. "Lokomotiv-BFK" bilan o'yinda SHarof Haitboev va Sanjar Qodiroqulov to'p kiritishdi. SHunday qilib O'zbekiston U-19ning Toshkentda o'tgan yig'ini o'z yakuniga etdi.

Eslatib o'tamiz, O'zbekiston yoshlar terma jamoasi 13-30 oktyabr kunlari Bahraynda bo'lib o'tadigan Osiyo chempionatida ishtirok etadi.