Narzulla Saydullaev — "Barselona" o'z maydonida "Sevilya"ga ko'p gol urishni yaxshi ko'radi. Kataloniyada o'tgan oxirgi uchta o'zaro o'yin natijalari: 4:0, 6:1, 4:2. Bugun ham Ronald Kuman shogirdlari g'alaba qozonishlarini kutyapman. Biroq ko'p gol urilmasa kerak.
Abdulaziz Iskandarov — "Barselona" hamda "Sevilya" o'rtasidagi bahs qiziqarli o'tishi shubhasiz. Kuman "Barsa"ning avvalgi mavqeyini tiklashga harakat qilmoqda. Oldingi ikki turda yirik g'alabalarni tantana qilgani bu hech narsani bildirmaydi. Lopetegi esa qanday murabbiy ekanligini "Sevilya"da ko'rsata oldi. Menimcha, bu o'yinda kataloniyaliklar 2-0 hisobida g'alaba qozonadi.
SHerzod Nurmatov — Rakitichni "Barsa"ga qarshi o'yinda ko'rish boshqacha bo'lsa kerak. Lopetegi o'z shogirdlarini bu uchrashuvga astoydil tayyorlagani aniq, lekin baribir "Barsa" g'olib chiqadi deb o'ylayman. CHunki Kumanning ishi ko'rinyapti, jamoa ancha jozibali o'yin ko'rsata boshladi. Taxminim – 3:1.
Faxriddin Ro'ziev — "Sevilya" muhim o'yinlarda o'zini ko'rsata oladigan jamoa. Buni Evropa Ligasining o'tgan mavsumi hamda "Bavariya"ga qarshi superkubok o'yini isbotladi. Dastlabki turlarda yorqin o'yin ko'rsatgan Kumanning "Barselona"si bugun ancha qiynalishi aniq. FIFA kunlariga chiqish oldidan har ikki klub maydonda borini berishiga ishonaman. Taxminimcha, bugun jangovar durang qayd etiladi yoki "Sevilya" bir to'p farqi bilan g'alaba qozonadi.
Dilnoza — APL muxlisi sifatida aytaman, bu uchrashuv menga unchalik qiziq emas. Taxminga kelsak, Messi bor jamoa yutadi.
Bosh sahifaga
132