Xekking: "Agar tizzalar titramasa "Volfsburg" "Real"ni engadi"

Ushbu uchrashuv 6 aprel kuni Germaniyada bo'lib o'tadi.

"Bu nafaqat klub, balki muxlislarimiz uchun ham ajoyib natija. Guruhimizda kuchsizlar yig'ilgandi deya olmayman, ammo ushbu bosqichdagi sakkizta uchrashudan oltitasida g'alaba qozondik. Bu so'nggi olti yildagi bizning birinchi CHempionlar ligamiz. Ayni damda Evropa futbol klublari elitasidamiz. 120 ming kishilik shahar klubi grandlar orasida. Bu klub uchun ajoyib natija.

Men "Benfika" bilan tushishni istagan edim. Bunday bahsda imkoniyatlar 50-50 bo'ladi. Ammo bizni afsonaviy "Real" kutib turibdi. Agar tizzalarimiz titramasa raqibni engamiz. Xa, "Real" mashhur nomga va futbolchilarga ega kuchli klub, ammo ular ham biz kabi jamoa. O'z imkoniyat darajamizda raqibga muammo tug'dirishga harakat qilamiz. Har bir uchrashuvda imkoniyat bo'ladi. Ushbu bahsda biz autsaydermiz. Jamoam ikkala o'yinda ham dadil bo'lishini istayman.

Barcha "Real"ning kuchli tomonlarini yaxshi biladi. Ular hujumda juda xavfli. Madridliklar ushbu evrokuboklar mavsumida 8 ta uchrashuvdan ettitasida g'alaba qozondi. Bizni kuchli jamoa kutib turibdi, ammo o'zimizga past baho bermasligimiz lozim" - deydi Xekking.