Futzal. O'zbekiston kubogiga 4 aprelda start beriladi

4-6 aprel kunlari O'zbekiston kubogi bahslariga start beriladi. Kubok bahslarida 8 jamoa ikki guruhga bo'lingan holda g'oliblik uchun kurash olib borishi ko'zda tutilgan. Har ikki guruhning faqatgina g'oliblari yarim finalga yo'l oladilar. O'zbekiston kubogining amaldagi finalchilari hisoblangan Toshkentning "Ardus" hamda Toshkent viloyatining "Olmaliq" jamoalari esa kubok o'yinlariga yarim finaldan qo'shilishadi.

Kubok bellashuvlarida ishtirok etuvchi jamoalar nomi tez orada malum bo'ladi.

Eslatib o'tamiz, O'zbekiston kubogining amaldagi g'olibi "Ardus" jamoasi hisoblanadi. Ular o'tgan yilgi finalda "Olmaliq"ni 3:2 hisobida mag'lub etib kubok sohibiga aylanishgan edi.