Rotterdamning "Sparta" klubi o'z maydonida AZni qabul qildi. "Sparta" dastlabki 3ta turda 3 marta mag'lub bo'lgan va umuman to'p kirita olmagandi. AZ esa 2ta o'yin o'tkazgan va ikki bor durang o'ynagandi.
Bahs mehmonlarning hujumlari bilan boshlandi. 9-daqiqada Zakariya Abuxlal hisobni ochdi. Oradan 5 daqiqa o'tgach Dani de Vit ikkinchi bor mezbonlar darvozasiga gol urdi. Oradan yana besh daqiqa o'tgach Zakaria dublga erishdi. 33-daqiqaga kelib tabloda 0:4 hisobi porlab turardi Dani de Vit ham dubl rasmiylashtirdi.
40-daqiqada bosh hakam mezbonlar darvozasi tomon penalti belgiladi. AZ sardori Tyon Kopmeynersning 11 metrli jarimadan yo'llagan zarbasi darvoza to'siniga tegib qaytdi.
Ikkinchi taymda AZ posboni Marko Bizot "katta sahnaga chiqdi". Dastlab darvozabon to'pni o'yinga kiritib, uni qayta qo'lib olgani uchun sariq kartochka bilan jazolandi va jarima maydoni ichidan erkin zarba belgilandi. 5 metrdan Abdu Xarrui gol urdi. 64-daqiqada Dirk Abelsning uzoq masofadan yo'llagan zarbasini ham Bizot qaytara olmadi - 2:4.
85-daqiqada Bizot o'z jarima maydoni ichida raqibni yiqitgani uchun ikkinchi sariq kartochkani olib maydonni tark etdi, kamiga hakam AZ darvozasi tomon penalti belgiladi. Yaxshiki AZda bitta o'zgarish imkoniyati qolgandi. Zakariya o'rniga zaxira posboni Xobie Verxulst tushirildi. Biroq 11 metrli jarima to'pidan Lennart Ti yo'llagan zarbani qaytara olmadi - 3:4. Uchrashuvning so'nggi daqiqasida Sven Minans gol urib hisobni tenglashtirdi - 4:4!!!
 Sparta Rotterdam Abdou Harroui - 57', Dirk Abels - 64', Lennart Thy - 88', Sven Mijnans - 90' | Eredivisie . 4-tur 04/10/2020, 17:30 4 : 4 Tugadi |  AZ Alkmaar Zakaria Aboukhlal - 9', Dani de Wit - 14', Zakaria Aboukhlal - 19', Dani de Wit - 33' |
Stadion: Sparta Stadion, 0 tomoshabin
Bosh hakam: Danny Makkelie
Yutubda tomosha qilish
Bosh sahifaga
140
