Saytimiz muxbiri mazkur uchrashuv oldidan yaypanliklar posboni Akmal Ortiqov bilan intervyu tashkil etdi.
- Aytingchi, Akmal Ortiqovning futbolga kirib kelishi qanday yuz bergan?
- Futbolga kirib kelishim haqida aytadigan bo'lsam, oilamizda hamma futbolga qiziqadi. Bolaligimda dadam Namangan shahridagi futbol maktabiga olib borganlar. U erda men ilk murabbiylarim Komiljon Abduboev va Anvar Boqievlardan futbolning dastlabki sir asrorlarini o'rganganman. Futbolga kirib kelishim shu tariqa yuz bergan.
- Bugunga qadar qaysi jamoalar safida o'ynagansiz?
- "Turon"ga kelgunimga qadar "Navbahor", "Andijon", "Olmaliq" jamoalari safida o'ynaganman.
- "Turon" jamoasi safiga qo'shilishingiz qanday yuz berdi?
- Yaypanliklar safiga meni jamoa bosh murabbiyi Islombek Ismoilov taklif etgan. Klubga kelib ko'rikdan o'tdim va shartnoma imzoladik.
- Futbolda darvozabon sifatida o'ynashni o'zingiz istaganmisiz yoki murabbiylar ko'rsatmasi bilan shu ishga qo'l urganmisiz?
- Bilasizmi, futbolda dastlab himoyachi ampulasida harakat qilganman. Keyinchalik murabbiylar tavsiyasi, shuningdek o'z qiziqishlarim tufayli darvozabon tufayli futbol uchrashuavlarida darvozabon sifati o'ynay boshladim.
- "Turon" joriy mavsumda hali "SHo'rtan"ni mag'lubiyatga uchratolmadi. 10-turda aynan "SHo'rtan" bilan o'ynaysizlar. Sizningcha bu safar "Turon" g'alaba qozona oladimi?
- "SHo'rtan" PRO-Ligada eng tartibli o'yin namoyish etadigan jamoa. Bu jamoaga qarshi o'yinlar har doim oson bo'lmagan. Xudo hohlasa ertangi o'yinda g'alaba qozonib, barcha muxlislarimizni xursand qilamiz.
- PRO-Liganing hozirgacha o'tkazib kelingan davri mobaynida barcha jamoalar bilan o'tkazilgan uchrashuvlarda maydonga tushib kelmoqdasiz. Superliga yo'llanmasi bo'yicha qaysi jamoalarning imkoniyatini yuqori baholaysiz?
- Superliga yo'llanmasi uchun kurash shaxsiy fikrimcha "Turon", "SHo'rtan", "Neftchi" va "Dinamo" jamoalari o'rtasida raqobat bo'ladi.
- "Oq-tepa"ga qarshi o'yinda Asilbek Qayumovning jamoangizga g'alaba golidan so'ng televidenie kameralariga qarab o'z hissiyotlaringizni namoyon qildingiz, buni barchamiz ko'rdik. SHu vaziyatni tariflab bering.
- Bilasizmi, bu o'yinda 0:2 hisobida mag'lub bo'lyotganimizda barchamizda kayfiyat tushib ketgandi. Keyinchalik barcha jamoamiz azolari iroda ko'rsatib yakunda g'alabaga erishdik. Bu vaziyatni so'z bilan tariflash qiyin, shunchaki g'alaba zavqi.
- Akmal Ortiqovning muxlislariga tilaklaringiz...
- Navbatdagi tur uchrashuvlaridan boshlab stadionlarga ming nafar muxlislar tashrifiga ruxsat berildi. Barcha muxlislarimizga sog'lik tilayman, ertaga stadionga kelib bizni qo'llab-quvvatlab turishsin. Nasib bo'lsa ertangi o'yinda g'alaba qozonib ularni xursand qilamiz.
Bekzod Tolibov yozib oldi.
Bosh sahifaga
1137