"O'yin qiyin bo'lishini oldindan bilgan edik. Bu mavsum umumiy hisobda "Turon" jamoasi bilan uchinchi o'yinimizni o'tkazdik. "Turon" yaxshi shakllangan jamoa. Har turda raqiblriga jiddiy qarshilik ko'rsatadi. Jamoaning har bir chizig'ida etakchi futbolchilar bor. Himoya, yarim himoya va hujum chizig'ida tajribali futbolchilar jamlangan. Ayniqsa, markaziy hujumchi bo'ydor va ikkinchi qavatda yaxshi harakat qiladi. Standart vaziyatlarda ushbu futbolchini yo'qotib qo'ymasdan etiborliroq bo'lish kerakligini aytgan edik. Birinchi bo'limda to'pni o'zimizda yaxshi ushlab tura oldik. "Turon" ikkinchi bo'limda katta kuchni hujumga tashladi. Qarshi hujumda gol urib olganimizda bizga yanada osonroq bo'lardi. O'yinni oxirgi daqiqasiga qadar hujum qilishdan to'xtamadi. Bugun mana stadionga ko'plab muxlislar tashrif buyurdi. O'ylaymanki, o'yin ularga manzur keldi",- deydi Asror Aliqulov.
- "SHo'rtan" jamoasi endilikda asosiy raqiblari bo'lmish "Neftchi", "Dinamo" bilan safarda o'ynaydi. Jamoa bu o'yinlarga qay darajada tayyor?
- Biz bor etiborimizni o'zimizning o'yinga qaratamiz. Futbolchilarning o'zida ishonch bo'lmasa, biz ularni almashtirishga majbur bo'lyapmiz. Barqarorlik bo'lmasligi mumkin. Keyingi o'yinlarda har tomonlama tayyor bo'lgan futbolchilarni tushirishga harakat qilamiz. Oldindan nima bo'lishini aytish qiyin. Jamoamizda Superligada o'ynagan futbolchilar ham bor. Lekin, tarkibimiz asosan yosh futbolchilardan tarkib topgan. Pro ligada o'ynamagan futbolchilar ham bor. Bunday o'yinlarga birinchi navbatda futbolchilar o'zlarini o'zlari tayyorlashi kerak. Xatolar qilishmasa raqibga ham imkon berishmaydi.
- Ortda qolgan o'yinlardan kelib chiqib Superligaga nechchi foiz chiqdik deb o'ylaysiz?
- Yilni boshida biz ozgina shoshma-shosharlik qildik, davralar oralig'ida biz yanada kuchayishimiz mumkin edi. "SHo'rtan"ning avvalgi qarzdorliklari sabab taqiq qo'yilgan. SHu bois o'zimizga kerak bo'lgan futbolchilarni ololmadik. Superligadan ko'ra, futbolchilarni har bir o'yinga qanday tayyorlash kerakligini o'ylayapman. Buni uddalaymizmi yoki yo'qmi yilni oxirida ko'ramiz. Ikkita o'yinda yutdik degani oldindagi o'yinlarda g'alabali seriyani davom ettirishimizni anglatmaydi. CHunki, barqarorlikka erishish qiyin bo'lmoqda. Bugun ham ikki xil taym guvohi bo'ldik. Futbolchilarimizda ozgina tajriba bo'lganida qarshi hujumlarda gol urishimiz mumkin edi.
- Futbolchilaringiz bugun ataylab vaqt cho'zishgandek taassurot qoldirdi....
- Bunday ko'rsatma bermayman. Avvalo futbol o'ynash kerakligini aytaman. Biz yangi jamoa shakllantiryapmiz, ularni katta futbolga tayyorlayapmiz. Tezkorlik bilan fikrlash va harakat qilish kerakligini tushuntiryapmiz. Vaqt cho'zish va boshqa narsalarga ahamiyat bermaymiz.
- O'tgan mavsum "Mashal" jamoasini Pro ligadan Superligaga olib chiqdingiz. Muxlislar "SHo'rtan"dan shuni kutishmoqda. Sizni Pro ligadan elitaga olib chiqadigan murabbiy deya tariflashmoqda. Sizni munosabatingiz qanday?
- Muxlislarni hurmat qilaman. Lekin unday o'ylamayman. O'tgan yili "Mashal"da tarkib yosh bo'lishiga qaramasdan o'zingizni kuchliroq murabbiy sifatida his qilardingiz. "Mashal"da 20dan ortiq yosh va yaxshi saviyadagi futbolchilar bor edi. "SHo'rtan"da jamoamizni kuchaytira oladigan futbolchilarni ololmaganimiz tasir qildi. Vazifam murabbiy sifatida futbolchilarimni har bir o'yinga tayyorlash. Jamoam yaxshi o'yin ko'rsatsa murabbiylar shtabining yutug'i bo'ladi.
Bosh sahifaga
426