"Qiziqarli o'yin bo'lib o'tdi. Mana sekinlik bilan muxlislar ham stadionga kiritila boshlandi. Bu albatta muxlislar uchun bayram hisoblanadi. Birinchi bo'limda gol urib hisobda oldinga chiqib oldik, g'alabaga bo'lgan ishonch bor, futbolchilardagi kayfiyat yaxshi edi. O'yinchilar oldiga qo'ygan vazifalarni bajarayotgandi. Lekin, goldan keyin o'yinni tashab qo'yishmoqda. Bu holat bir necha o'yindan beri takrorlanmoqda. Ikkinchi bo'limda o'yinda ustunlik qildik. O'zbekistonlik futbolchilarning ruhiyatiga hos odatlardan biri goldan keyin hotirjamlikka yoki tushkunlikka berilish. Ko'p vaziyatlardan foydalana olmadik. Ayb o'zimizda. "Neftchi" jamoasini g'alaba bilan tabriklayman. Bunday barcha sharoitlari bor stadionda yutqazish alamli bo'ldi. Xatolar ustida ishlaymiz. Bizni qoniqtirgan narsa jamoamiz futbol o'ynayotgani. To'g'ri, natija bo'lmayapti. Oldimizda turgan asosiy narsa o'yinimizni to'g'ri yo'lga qo'yib olish.
Ko'rgan bo'lsangiz qisqa pas orqali yo'l qo'yilgan xato evaziga gol o'tkazib yubormadik. Birinchi golni o'zimizga o'zimiz olib keldik. Yoshlarsiz o'ynash xato deb o'ylayman. Ularni bugun o'ynatmasangiz qachon o'ynaydi? Baribir imkoniyat berishimiz kerak. Ikki golda ham diqqatni yo'qotdik.
Diyor Jaloliddinovning o'yini yomon emas. Ushbu futbolchimizni olimpiya terma jamoasiga jalb etilishini istardik. Iqtidorli futbolchi, tezligi bor. Lekin, o'yin amaliyoti berilmasa quruq iqtidorning o'zi kamlik qiladi. Bosim bitta unga emas, barchaga bo'ladi",- deydi Alisher SHog'ulomov.
Bosh sahifaga
191