Abdusamad Do'rmonov: "Futbolchilarimga xarakter ko'rsatishgani uchun rahmat aytaman"

"Juda og'ir o'yin o'tkazdik. Buning o'ziga yarasha sabablari bor. O'tgan turda Xorazmda suniy qoplamali maydonda o'ynagan edik. Ko'p o'yinlarimizni Qirgulida o'tkazib kelayotgandik, bugun esa "Istiqlol" maydonida to'p tepdik. Futbolchida doim ishtiyoq va xohish yuqori bo'lishi kerak. Yigitlarga xarakter ko'rsatishgani uchun rahmat aytaman.

To'g'ri, o'tgan yili ham Xorazmga borganimizda suniy maydonda o'ynagandik. SHunga yarasha o'zimizning suniy maydonda tayyorgarlik ko'rgandik. Xorazmdan yakshanba kuni qaytdik va ikki kun oldin bugungi o'yinga tayyorgarlik olib bordik. SHu sababli ham futbolchilar tiklanishga ulgurishmadi.

Birinchi bo'limda o'yinimiz o'xshamadi. O'ylab qo'ygan rejalarimiz ish bermadi. Tanaffusda yigitlarga tegishli ko'rsatmalarni berdik. Menimcha, ikkinchi bo'limda futbolchilar ko'rsatmalarimizni bajarishdi. Hujumda temp oshdi.

Oldindan nima bo'lishini bilmaymiz. Jamoamiz oldiga doim maksimal vazifani qo'yamiz. Har bir o'yinda g'alaba qozonish va Superligaga yo'llanma olish. Har bir o'yinda yigitlarga tushuntirishga harakat qilmoqdamiz",- deydi Abdusamad Do'rmonov.