"Mashal" o'z tarixida ilk bor Toshkentda "Bunyodkor"dan ochko oldi

Ushbu jamoalarning Toshkentda o'tkazilgan sakkizta o'yinining barchasida "qaldirg'ochlar"ning qo'llari baland kelgandi. Ammo Sergey Lushan boshchiligidagi "Bunyodkor" o'z maydonidagi to'qqizinchi bellashuvda raqibni enga olmadi va ilk bor o'z uyida "Mashal"ga ochko ulashdi.

SHu tariqa muborakliklar birinchi marotaba safarda "Bunyodkor"dan ochko olishni uddasidan chiqishdi. Bunga qadar "Mashal" o'z tarixida bir marta Muborakda "Bunyodkor"ni mag'lub etgandi.