Mirzohid G'ofurov: "Bunyodkor" bilan durang biz uchun g'alabaga teng bo'ldi"

"Qiyin o'yin bo'ldi. Biz Toshkentga ochko olish uchun kelgandik. Ketma-ket ikki mag'lubiyatdan so'ng bizga bugungi durang kerak edi. Durang ham biz uchun hozir g'alabaga teng. Uchrashuv davomida eng asosiysi gol o'tkazib yubormaslik kerak, agar gol o'tkazmasak bugungidek kamida bir ochko olishimiz mumkin. Sobiq klubimga qarshi bahs qiziqarli bo'ldi. Ko'pchilik yigitlarni juda yaxshi taniyman. Raqib ham, biz ham g'alabani istadik, shu bois o'yin keskin va qo'polliklarga boy kechdi menimcha. Lekin bularning bari maydonda qoladi va uchrashuv tugagach yana aka-ukadek bo'lib ketamiz", - deydi Mirzohid G'ofurov.