Sanjar Baratov: “Ertaga bizni jiddiy o'yin kutib turibdi”
/ Kiritdi: BestMaster O'qilgan: 1024
3-tur doirasidagi “Nasaf” – “Obod” jamoalari uchrashuvi oldidan qarshiliklarning sobiq futbolchisi, hozirda “Obod” klubi sharafini himoya qilayotgan Sanjar Baratovning fikrlari bilan qiziqdik.
- “Nasaf” yaxshi shakllangan jamoa. Buni ular nafaqat ichki musobaqalar, balki Osiyo CHempionlar Ligasida ham namoyish etishyapti. Bu erda 5 yil to'p surdim. Asosiy tarkibda ham 6-7ta o'yinda maydonga tushdim, ammo jamoa tarkibidan mustahkam o'rin ololmadik. “Nasaf”da qadrdon do'stlarim Farrux Sayfiev, Eldor Suyunov va boshqalar to'p surishmoqda. Yana bir yaqin do'stim SHoxrux Gadoev esa xorijda to'p tepayotganidan xabaringiz bor. Fursatdan foydalanib uning kelgusi faoliyatiga omadlar tilayman. Ertaga bizni jiddiy sinov kutib turibdi. Qarshiliklar uchun bu o'yin OCHL oldidan o'ziga xos tayyorgarlik vazifasini o'tab beradi. Lekin biz ham Qarshiga shunchaki sayyoh sifatida kelganimiz yo'q. O'z maydonimizda “Buxoro” hamda “Bunyodkor” jamoalariga qarshi kechgan o'yinlarda qo'lga kiritilgan natijalarimiz tasodif emasligini Qarshida ham isbotlashga harakat qilamiz.
- Mavsumoldi tayyorgarlik jarayonida jamoaning bir qator gollariga mualliflik qilgandingiz. Rasmiy o'yinlarda esa hozircha gollaringiz hisobi ochilmadi...
- O'rtoqlik uchrashuvlari bilan rasmiy o'yinlar farq qiladi. Qolaversa, o'rtoqlik o'yinlarida men ko'proq oldingi chiziqda harakat qilayotgandim. Hozir esa o'ng qanot yarim himoyasida o'ynayapman. Umid qilamanki tez orada “Obod” jamoasida rasmiy o'yinlardagi gollarim hisobini ham ochishga muvaffaq bo'laman.
Bosh sahifaga
200
