Prevyu. "Lokomotiv" - "Neftchi"

Lokomotiv (Toshkent) – Neftchi (Farg'ona)
Hakamlar: V. Ceytlin (Toshkent), R. Serazetdinov (Toshkent), R. SHoyaxmetov (Toshkent), D. Karimov (Toshkent)
Nazoratchi: SH. Jumaev (Qarshi).
O'zPFL vakili: S. Rizaev.
 
“Lokomotiv” va “Neftchi” oliy ligada 22 bora to'qnash kelishgan. Natijalar toshkentliklarning ustunligini ko'rsatmoqda.

“Lokomotiv” 12 marta g'alaba qozongan, “Neftchi” hisobida 7ta muvaffaqiyat mavjud. 3ta bahsda durang qayd etilgan. “Neftchi” o'zaro o'yinlarda 31ta gol kiritgan, “temiryo'lchilar” esa 35 bora farg'onaliklar darvozasini ishg'ol etishgan. Farg'ona jamoasi o'zaro o'yinlarda 24, “Loko” esa 39 ochkoga ega chiqqan. Farg'onaliklarning o'zaro o'yinlarda eng yirik g'alabasi 4:0ga teng bo'lsa, “Lokomotiv”da bu ko'rsatkich 4:1ga teng.

O'tgan mavsum 2-turda Toshkentda o'tgan bahsda Damir Koyashevich gol urib mezbonlarni hisobda oldinga olib chiqqandi. Tanaffusdan so'ng Ro'zimboy Ahmedov penaltidan to'p kiritib hisobni tenglashtirgandi - 1:1. Farg'onada esa Temurxo'ja Abduxoliqov va Mo'ydin Mamazulumovning gollariga mezbonlar vakili Murod Bobojonov javob bergandi xolos - 1:2.

Toshkentda o'tgan so'nggi besh uchrashuv:
22.03.2015 Lokomotiv - Neftchi 1:1
02.11.2014 Lokomotiv - Neftchi 4:2
24.10.2013 Lokomotiv - Neftchi 3:1
15.04.2012 Lokomotiv - Neftchi 1:1
13.03.2010 Lokomotiv - Neftchi 3:1

O'zaro o'yinlar haqida fakt: “Lokomotiv” o'z maydonida o'tgan 11ta o'yinning 7tasida zafar quchgan. “Neftchi” ikki marta (2004 va 2007 yillarda) Toshkentdan uch ochko bilan qaytgan. Poytaxtda bu jamoalar ikki marta durang qayd etishgan. "Loko" uyida o'tgan oxirgi 8ta uchrashuvda ikkala jamoa ham gol ura olgan. So'nggi 7 o'yinda "temiryo'lchilar" o'z maydonlarida bu raqibga mag'lub bo'lishmagan.