Asror Aliqulov: "Bitta vaziyat o'yin taqdirini hal qildi"

"O'yinni og'ir kechishini bilgandik. "Istiqlol" qaytganidan so'ng viloyat hokimi tomonidan qo'llab-quvvatlanyapti. Ular bugun bizning hujumlarimizni ko'proq kichik follar orqali to'xtatib, ortga qaytib o'yinni davom ettirishdi. Raqibga bo'sh hududlar bermaslikni futbolchilarga aytgandik. Ushbu uchrashuvga texnik va tezkor fikrlash borasida yaxshiroq tayyorgarlik ko'rishimiz talab etilardi. Raqib himoya va hujum chizig'ida bo'ydor futbolchilar bor. SHu sababli qisqa paslar bilan o'ynashni yigitlarga aytgandik. Bugun bitta vaziyat o'yin taqdirini hal qildi. Biz birinchi bo'lib to'p kiritganimizda o'yin boshqacha kechar edi. 

"Istiqlol"ning tarqalib, so'ng qaytganligini hisobga olganda sensaciya deyish mumkin. Vodiyga qanday kuchli jamoa kelishidan qatiy nazar, etarlicha qarshilikka duch keladi. 

Navbatdagi turda "Neftchi" bilan o'yin ham bugungiga o'xshab ketishi mumkin. Futbolchilarning mahorati borasida "Neftchi" bugungi raqibimizga qaraganda ustun. Keyingi o'yinni yutish uchun bugungi uchrashuvda bajargan ishlarimizdan ko'prog'ini qilishimiz kerak",- deydi Asror Aliqulov.