Prevyu. "Buxoro" - "Paxtakor"

Buxoro (Buxoro) – Paxtakor (Toshkent)
Hakamlar: SH. Qosimov (Toshkent), M. Saidqosimov (Toshkent), A. Capenko (Toshkent vil.), D. Jalimov (Nukus)
Nazoratchi: A. Popov (Toshkent).
O'zPFL vakili: B. Haydarov.

“Buxoro” hamda “Paxtakor” oliy ligada 46 bora to'qnash kelishgan. SHulardan 33tasida “Paxtakor” g'olib bo'lgan, 7ta o'yinda g'olib aniqlanmagan. “Buxoro” hozirga qadar “Paxtakor”ni 6 marta mag'lub etgan. To'plar nisbati “Paxtakor” foydasiga 102:32 ni tashkil qilmoqda. O'zaro o'yinlarda “sherlar” 106 ochkoni, “Buxoro” esa 25 ochkoni qo'lga kiritgan.

“Paxtakor”ning “Buxoro” ustidan qozongan yirik g'alabasi – 8:0ga teng. “Buxoro”ning ushbu raqib ustidan qozongan eng yirik g'alabasi esa 2:0 bo'lib turibdi.

O'tgan yil 3-turda Toshkentda kechgan uchrashuv “Paxtakor” hujumchisi Igor Sergeevning benefisiga aylanib ketgandi. O'shanda terma jamoamiz hujumchisi uch bor buxoroliklar darvozasini ishg'ol qilgandi. Bunga Dilyaver Abibullaev chiroyli gol bilan javob qaytargandi xolos – 3:1. “Buxoro” o'z maydonida ham ikki to'p farqi bilan yutqazgan. Nikolay CHipev avtogol qayd etgan bo'lsa Igor Sergeev mezbonlar darvozasiga to'p kiritgandi – 0:2.   

Buxoroda bo'lib o'tgan so'nggi besh uchrashuv:
16.08.2015 Buxoro - Paxtakor 0:2
15.05.2014 Buxoro - Paxtakor 0:0
04.07.2013 Buxoro - Paxtakor 1:0
15.03.2012 Buxoro - Paxtakor 0:1
24.09.2011 Buxoro - Paxtakor 0:0

O'zaro o'yinlar haqida fakt: “Buxoro” o'z maydonida “Paxtakor”ni besh marta mag'lub etgan. Olti bor Buxoroda g'olib aniqlanmagan. “SHerlar” bu jamoa maydonidan 12 bor g'alaba bilan qaytishgan. Oxirgi ikki yilda “Buxoro” o'z uyida gol ura olmagan.