Covid-19 pandemiyasi butun dunyoni larzaga solgan bir paytda o'zbeklar yana bir bor o'zlarini mexr-shafqatga to'la ekanliklarini amalda isbotladilar. Sardoba suv ombori bilan sodir bo'lgan falokatda ham hamyurtlarimiz begona ko'z bilan qarab turmadi.
Mana shunday sinovli paytda el koriga yaragan bir qancha hamyurtimiz bugun "Mehr-saxovat" ko'krak nishoni bilan taqdirlandilar. O'zbekiston Respublikasi Prezidenti SHavkat Mirziyoev tomonidan 2020 yil 26 may kuni imzolangan farmon asosida bugun futbolga begona bo'lmagan ikki nafar shaxs ham taqdirlandi. Ko'p yillar davomida muxlislar bilan ishlashda o'zini ko'rsatib kelayotgan Abdurahmon Fozilov hamda ko'plab xalqaro o'yinlarda stadion ovozi bo'lib kelgan Nodir Abduqodirov.
O'zbekiston MTJ bilan ayni paytda BAAda bo'lib turgan A.Fozilov uchun nishonni, uning farzandi qabul qilib oldi.
Biz ularni mana shunday vaziyatda mehnatlari munosib taqdirlangani bilan tabriklaymiz!
"Bizning Vatan bitta! SHunday ekan, biz unga jonimizni fido qilsak arziydi. Arzimagan mehnatimizni, aslida burchimiz deb aytgan bo'lardim, mana shunday etirof bilan taqdirlaganliklari uchun yurtboshimizga rahmat aytaman. Bundan keyin ham mana shunday tadbirlarda faol bo'lishga, atrofdagi yaxshi insonlar bilan birgalikda bo'lishga harakat qilaman", - deydi Abdurahmon Fozilov.
Bosh sahifaga
228