Samvel Babayan: "Yangi o'yin uslubimizdan tez orada butun osiyo boxabar bo'ladi"

"Bugungi o'yin muxlislarga zavq bahslashadi deb o'ylayman. Tomoshabop o'yin bo'ldi. Biz o'yinga tayyorlagan reja va vazifalarimiz to'liq amalga oshirdik. Haqli tarzda g'alabani qo'lga kiritdik. Biz jiddiy raqibga qarshi yaxshi tayyorgarlik ko'rgandim. Filippin ancha yaxshi va shakllangan jamoa. Biz ularni o'yinlarini yaxshi o'rgangan edik. Filippinning kuchli va kuchsiz tomonlarini o'rganib, bunga qarshi jiddiy hozirlik ko'rgandik. Hisob yirik ko'rinish olishini hech kim oldindan taxmin qilolmasdi. Yakuniy natija biz uchun fantastik darajada bo'ldi desam yanglishmayman.

Tezkor gol bizga ruhiy jihatdan ustunlikni taqdim etdi. Umuman o'yin tizgini to'liq bizning qo'limizda bo'ldi. Biroq jamoamiz uchinchi goldan so'ng o'ynashni to'xtatib qo'ydi va tanaffusda bu borada futbolchilar bilan jiddiy gaplashib oldik. Bu mening terma jamoadagi ikkinchi rasmiy o'yinim. Biz o'yindan-o'yinga kuchayib boramiz. Bizda doimo g'alaba qozonishni istaydigan, kuchli ishtiyoqli yangi jamoa tuzilmoqda. Yangi o'yin uslubi ustida ish olib bormoqdamiz. Tez orada bu yangi o'yin uslubimizdan butun osiyo boxabar bo'ladi. Keyingi o'yinlarda terma jamoamiz yanada kuchliroq o'ynaydi", - deydi Samvel Babayan.