"Avvalambor "Xorazm" jamoasini va muxlislarini g'alaba bilan tabriklayman. Ushbu uchrashuvga yaxshi tayyorgarlik ko'rgan edik, biz istayotgan futbolni yigitlar ko'rsatishga harakat qilishdi. Lekin, o'yinimiz chiqmadi. Ko'rdinglar, ancha qiynaldik. Tezkor gol o'tkazib yubordik. SHundan keyin o'yinimiz o'zgarib ketdi. Nima ham derdim, ishlayapmiz, mexnat qilyapmiz. Bugun asosiy tarkibda besh nafar yosh futbolchini tushirdik. Maqsadimiz keyingi yilga qadar yaxshi jamoani shakllantirish",- deydi Baxtiyor Ergashev.
- Tarkibda muammolar bor dedingiz. Mavsum boshida jamoa yaxshi tarkibga ega edi. Davralar oralig'ida ularni qo'yib yuborilishi klubning strategiyasi bilan bog'liqmi yoki boshqa sabablar ham bormi?
- Ibrohim Tomiva, SHerzod Qodirov kabi futbolchilarimizni ijaraga berganmiz. Qolgan futbolchilar o'z ixtiyori bilan boshqa jamoaga ketishgan.
- Klubda ispaniyalik Serxio Marinangeli ish boshlaganini bilamiz. Odatda ispaniyalik murabbiylar o'z jamoalarida ispan futboliga asoslangan uslubni shakllantrishadi. "Oq-tepa" jamoasida ham yaqin yillarda ispan futboliga xos bo'lgan o'yinni ko'ramizmi yoki klub o'zining mavjud o'yin uslubini shakllantirishga ko'proq harakat qiladimi?
- Jamoamiz asosan ispan futboli uslubi yani tiki-taka bilan o'ynaydi. Ispaniyalik murabbiyni olib kelishdan maqsad klubda "Barselona" uslubini shakllantirish, murabbiy bilan hamjihatlikda ishlash, tajriba orttirish. Ko'rgan bo'lsangiz "Turon" va "Neftchi" bilan o'yinlarda qisqa va o'rta paslar bilan harakat qildik. Ispaniyalik murabbiy ham Evropa uslubini olib kirishga harakat qilmoqda. Bir yilda jamoada siz istagan futbolni shakllantirib bo'lmaydi. Buning uchun vaqt kerak.
- Sarvar Jumaniyozovning o'yini haqida nima deya olasiz?
- Sarvar iqtidorli futbolchi. Ballik sxemada baholaganda 10 ballga loyiq o'yin ko'rsatdi. Unga kelajakda omad tilab qolamiz.
Bosh sahifaga
194
