olamsport.com: To'rt bokschimizning barchasida oltin

Bugun to'rt nafar charm qo'lqop ustamiz musobaqaning oltin medallari uchun ringga ko'tarilishi kerak edi.

Hozirgina yakuniga etgan Elshod Rasulovning jangi bilan hamyurtlarimizning bugungi ishtiroki yakunlandi. Quvonarlisi, bugun to'rt nafar charm qo'lqop ustamizning barchasida raqiblarini mag'lubiyatga uchratib, shoxsupaning eng yuqori pog'onasiga ko'tarilishdi.

Xushxabar. To'rt bokschimizning barchasida oltin

Avvaliga Hasanboy Do'smatov -49 kg vazn toifasida filippinlik Rogen Ladonni mag'lubiyatga uchratdi. SHundan so'ng, -52 vazn toifasida yurtimiz sharafini himoya qilgan SHahobiddin Zoirov xitoylik Jianguan Xudan ustun keldi.  

-69 kg vazndagi bokschimiz SHahram G'iyosov tailandlik Saylom Ardini engdi. Terma jamoamizning eng tajribali bokschisi, -81 kg vazndagi Elshod Rasulov esa azaliy raqibi qozog'istonlik Adilbek Niyazimbetovni 2:1 (28:29, 29:28, 29:28) hisobida mag'lubiyatga uchratdi.

Qolgan bokschilarimiz ertaga final janglarida ishtirok etishadi. Ertaga Bahodir Jalolov, Rustam To'laganov hamda Yodgoroy Mirzaevalar oltin medal uchun ringga chiqishadi.

ERTANGI FINAL DANGLARI:

-52 kg: Yodgoroy Mirzaeva – Kankan Ren (Xitoy)

-91 kg: Rustam To'laganov – Fengkay YU (Xitoy)

+91 kg: Bahodir Jalolov – Ivan Dichko (Qozog'iston)