Oliy liga-2016. "Obod" 270 daqiqa davomida gol ura olmadi

Tashkil topganiga 3 yil bo'lgan klub qisqa vaqt ichida ikkinchi ligadan oliy ligaga chiqa oldi. Bu yilgi mavsumni Qo'qonda boshlagan jamoa "Qo'qon-1912"ga 0:1 hisobida yutqazib qo'ygandi. 2-turda o'z maydonida "Buxoro" bilan ochkolarni bo'lishib olgandi - 0:0. Bugun esa Qarshida "Nasaf"ga imkoniyat boy berildi - 0:1. SHunday qilib, "Obod" 270 daqiqa davomida raqiblari darvozasiga gol ura olmadi. Klub bu mavsumda hozircha raqib darvozasiga gol urmagan yagona jamoa bo'lib turibdi.

Qizig'i jamoa bu mavsum O'zbekiston kubogida ikkita o'yin o'tkazib jami 7ta gol urdi. "Oq-tepa" 5:0 hisobida taslim qilindi, "Bunyodkor" bilan 2:2 hisobida durang o'ynaldi.

Malumot uchun, "Obod" 4-turni 9 aprel kuni o'z uyida "Qizilqum" klubiga qarshi o'tkazadi.