Ro'ziqul Berdiev: "Obod" rahbarlarida, murabbiy va futbolchilarida ishtiyoq katta"

"Obod" oddiy jamoa emasligiga bugun amin bo'ldik. O'yinga keladigan bo'lsak, ular asosan himoyada o'ynashdi. SHuningdek, qarshi hujumda ham o'z omadlarini sinab ko'rishdi. Yigitlarga raqibga hurmatni saqlagan holda o'ynash lozimligini aytgandim. Mana o'z o'yinimizni namoyish etdik va uch ochko egasiga aylandik. Bu eng asosiysi. Futbolchilar keyingi hafta bo'ladigan o'yinni ham yoddan chiqarmagan holda maydonda harakat qilganliklari ko'rinib turdi. SHu sababli, balki bugun tomoshabop o'yin namoyish eta olmagandirmiz", - deb o'z fikrlarini boshladi Ro'ziqul Berdiev.

Umid qilamanki, Bahrom keyingi o'yingacha sog'ayib ketadi va bizga yordam bera oladi.

Suyunov 10 kun ichida o'yin amaliyotiga ega bo'lmagandi. SHuning uchun uni bugun maydonga tushirdik. Lekin, bu degani "Al-Jaish"ga qarshi o'yinda u aniq o'ynaydi degani emas. Bizda Sanjar Quvvatov ham bor. Demak, o'yin kuni kim tayyor bo'lsa o'sha maydonga tushadi. Legioner haqida gapiradigan bo'lsam, ayni paytda Rahmatovning o'yinlari menga maqul kelmoqda. SHuning uchun uni zaxiraga o'tkazib qo'yib legionerni maydonga tushira olmayman. Futbolda kim tayyor bo'lsa, o'sha maydonga tushadi.

"Obod" - "Buxoro" o'yinini JAR stadionidan turib tomosha qilgandim. O'sha kuni toshkentliklar raqiblariga katta qiyinchiliklar tug'dirgandilar. Keyin "Bunyodkor"ga qarshi o'yinning videosini ham ko'rib chiqdim. Ko'rinib turibdiki, "Obod" oddiy jamoa emas. Klub rahbarlarida, murabbiy, futbolchilarida ishtiyoq katta. Jamoada yaxshi ishlar olib borilmoqda. Ularni hurmat qilish lozim", - deya o'z fikrlariga yakun yasadi "ajdarlar" bosh murabbiyi.

"Nasaf" matbuot xizmati