Bobur Zuhriddinov: "Bu mag'lubiyat biz uchun g'alabaga teng"

"Bugun ajoyib futbol bo'ldi. "Nasaf"ga qarshi o'yin doimo qiziqarli. 0:1 hisobidagi mag'lubiyat biz uchun yutuqqa teng. "Nasaf"ni g'alaba bilan tabriklayman va ularga CHempionlar Ligasi o'yinlarida omad tilayman.

-"Obod" oldiga ushbu mavsumda qanday vazifa qo'yilgan? SHuningdek, sizdek yosh murabbiyga Oliy Liga jamoasini boshqarish qiyin emasmi?

-"Obod" jamoasi oldiga aniq bir vazifa qo'yilmagan. Iloji boricha, kuchimiz etganicha oldinga intilish. SHunindek, "Obod" da faqat men faoliyat olib bormayman. Jamoamizga katta mehnati singayotgan insonlar bor. Ular: Farhod Safarov, SHavkat Abduxo'jaev, shuningdek, Jafar Irismetovlar bor. Ularning ajoyib maslahatlarini inobatga olgan holda o'yinlarga tayyorlanamiz. Vaqtida men ham futbolchi bo'lishni istaganman. Biroq, bu menga armon bo'lib qolgan. Sog'lig'im bilan bog'liq muammolar tufayli futbol o'ynay olmaganman. SHundan so'ng murabbiylikni tanlaganman.

-Jamoa uchta turda bir ochko ishladi. Gollar ham urilmayapti. Buni qanday izohlaysiz?

- Milliy chempionatimizda gol urishimiz uchun ozgina vaqt zarur bizga. Yosh jamoamiz, bazi vaqtlarda tajriba etishmaydi, shoshilib qolishimiz natijasida imkoniyatlardan foydalana olmayapmiz. Bu narsa vaqtinchalik deb o'ylayman.

-Jamoaga legioner futbolchilar jalb etish imkoniyati bormi?

-Hozircha bu haqida o'ylamayapmiz. CHunki, ko'rib turganingizdek yosh jamoamiz. Maqsadimiz O'zbekistonda o'z o'rnimizni topish va milliy terma jamoaga futbolchilar etishtirib berish.

-"Nasaf"ning sobiq futbolchisi Sanjar Baratov haqida nima deya olasiz?

-Sanjar Baratov jamoamiz safiga dekabr oyida kelib qo'shildi. SHijoatli, mehnatkash, driblingi yuqori darajadagi futbolchi. Jamoamizga ko'nikib bormoqda.

"Obod"dagi sharoitlar? Moddiy jihatdan o'zimizga yarasha imkoniyatlarimiz bor. Bizga yaratilayotgan sharoitlar qoniqtirmoqda.

"Nasaf" juda kuchli jamoa. O'ylashimcha, ular keyingi o'yinda ham g'alaba qozonadi", - deydi Zuhriddinov.