O'yin haqida
Andijonda qiyin o'yin bo'lishini kutgandik. Jamoamizda muammolar ko'p. Mitrovich va Jo'rabekov diskvalifikaciyaga uchragan bo'lsa, ayrim futbolchilar kasal bo'lib qolishgan. Bundan tashqari, bosh murabbiyimiz ham biroz betob.
Yigitlar oxirigacha o'ynaganliklari uchun rahmat deyman.
Maydon holati unchalik yaxshi emas, bu maydonda kombinacion o'yin ko'rsatish qiyin va uzun paslar bilan o'ynashga to'g'ri keladi.
Maydon yaxshi emas deb hisoblaysizmi?
Ha, notekis joylari ko'p. Erlatib o'ynash qiyin, shu bois uzun paslar bilan o'ynashga to'g'ri kelyapti.
"Andijon"ning o'yinini qanday baholaysiz?
Hamidullaev kelgach, jamoa ijobiy tomonga o'zgargan. Ular oxirgi o'yinlarda 5 ochkoga ega bo'lishdi. Bekobodda va Namanganda yaxshi o'yin ko'rsatishdi. SHuningdek, "Buxoro"ni yutishdi.
Hakamlardan ko'pchilik norozi bo'ldi. SHu bo'yicha nima deysiz?
Bu mening vakolatimga kirmaydi. Buni maxsus qo'mita muhokama qilib, ko'rib chiqishi mumkin.
Natijadan qoniqdingizmi?
Qiynalib bo'lsa-da, ochko oldik. Yoki yutib ketishimiz ham mumkin edi, yaxshi vaziyatlar bizda ham, "Andijon"da ham bo'ldi.
Jamshid Boltaboev birinchi bo'limda maydon markazida to'p tepdi, ikkinchi bo'limda qanot himoyasiga o'tkazildi. Bunga nima sabab bo'ldi?
Aytib o'tganimdek, bunga sabablar ko'p. SHunaqa qilishga to'g'ri keldi. Zaxiradan ko'rib turganingizdek, yosh yigitlar joy olishgan.
Ulug'bek Baqoevning holati qanday?
Uning holati yaxshilanmoqda. O'ylaymanki, u "Paxtakor" bilan o'yingacha qaytadi.
Bosh sahifaga
674