O'yin haqida
O'yin reja qilganimizdek, start oldi. Afsuski, o'yin o'rtalariga kelib, ustunlikni raqibga berib qo'ydik, shu sababli muammoga duch kela boshladik. Himoyada ikkinchi qavatda juda ko'p yutqazdik, ularda ko'plab vaziyatlar yuzaga kelishni boshladi va shulardan bittasi gol bilan tugadi.
O'ylaymanki, yutsa bo'ladigan o'yin edi va kerakli ochkolarni yo'qotdik.
Birinchi bo'limda asosan, Muhammadali Yuldashev orqali hujumlar tashkil qilindi. Ikkinchi bo'limda bu holat deyarli ko'rinmadi.
Ha, u o'yin oxiriga borib charchab qoldi. O'zgartirishga majbur bo'ldik.
Abdullo Olimov zaxiradan maydonga tushdi. Bunga nima sabab bo'ldi?
Unda ozgina jarohat bor, shu sababli ko'p o'ynay olmasdi. Lekin zaxiradan tushib, qo'ldan kelganicha jamoaga yordam berdi.
1:0 bo'lib turganida, Rustamjon Qo'chqorov hujumga tushirildi, u o'rinbosarlar tarkibida himoyada o'ynar edi. Bu katta kamchilik emasmi?
Yo'q, u aslida hujumchi. Himoyada muammolar ko'p bo'lgani bois zrinbosarlar tarkibida ximoyadan foydalanganmiz va bu ish berdi.
"Andijon"ni o'yinchilar tark etishda davom etmoqda. Timur Usmonov masalasida qanday fikrdasiz?
Usmonovni ukamdek ko'rib, hamma narsani tushuntirdim. Lekin u jamoadan ketib qoldi. Mana, kecha o'rinbosarlar tarkibida o'ynagan Nodir Mavlonovni misol qilaylik. Uning yoshi Timurdan katta, lekin u o'rinbosarlar tarkibida lom-mim demasdan, maydonga tushib, gol ham urdi.
Usmonov esa o'zi shu fikrga keldi va ketdi.
Umumiy olganda, bugungi natijadan rozimiz?
10 kishi bo'lib qolganimizni inobatga olsak, natijadan qoniqdim.
Bosh sahifaga
220