"O'yin qiziqarli o'tdi. Ko'rdinglar, himoyaga yotib olmadik, hujumlar uyushtirdik. Ikkita oddiy xatolardan keyin gollar o'tkazdik. 75 daqiqa davomida xato qilmay yakunda baribir yutqazdik, "Paxtakor" baribir xato qilishga majbur qildi. Bugun biz ham mag'lub bo'lishni xohlamagandik", - deydi Aktamov.
- Nesterov bugun ham, oldingi o'yinlarda ham yaxshi o'ynadi. Uni keyingi mavsumda ham "Qizilqum"da ko'ramizmi?
- Hali oldinda Superliganing bir qancha turlari, keyin Kubok bahslari bor. To'g'ri Nesterov jamoamizga yordam bermoqda, uning oldida 10 nafar futbolchi ham bor. Hozircha keyingi mavsum haqida o'ylaganimiz yo'q.
- Ibrohim Tomiva "Qizilqum"ga kelganida gollar urgandi, so'nggi bahslarda esa o'yinida pasayish bo'ldi. Birinchi davrada Makkartni Nevaseb ham shunday bo'lgandi...
- To'g'ri bugun Ibrohimda qulay imkoniyatlar bo'ldi. Oyog'idan olgan jarohati hali to'la tuzalmagan. Hujumdagi muammolar tufayli uni maydonga tushiryapmiz.
- Zaxirada Vohid SHodiev ham bor...
- SHodievda ham sog'lig'ida muammolar bor. SHu bois maydonga tushmayapti.
- Tachmurad Agamurodov jamoadan ketganmi?
- Yo'q. Agamurodov maslahatchi murabbiy sifatida ishlamoqda. Birga ishlaymiz. To'g'ri zaxira o'rindig'ida emas, tepada o'tirdi.
- Kasminin nima uchun bugun o'ynamadi?
- Uning ham sog'lig'ida muammo bor. Agar u maydonga tushganida bizga yordam bergan bo'lardi. Bugun sog' yurgan odam ertaga virusni yuqtirib olayapti. Bu virus O'zbekistondan, butun dunyodan yo'q bo'lishini xudodan so'rayman. Faqat futbol emas, barcha sohalarga tasir qilmoqda.
Bosh sahifaga
238