"Qo'qon-1912": Kichik derbiga atalgan fotomaqola

“Andijon”ga qarshi kechgan bahsning 26-daqiqasida Asliddin Soipov tomonidan kiritilgan gol o'rinbosarlarimizga g'alaba keltirdi. Quyida ushbu uchrashuvdan tayyorlangan foto maqola bilan tanishing:

Futbolchilar maydonga tushib kelishmoqda. Maruf Zokirjonov o'rinbosalarimizni sardor sifatida maydonga boshlab tushdi.

O'yinni boshqargan Igor Gormashov har ikki jamoa sardorlari bilan birgalikda uchrashuvni kim boshlab berishiga oydinlik kiritmoqda.

Mezbonlarning shiddatli hujumlaridan biri.

Burchakdan oshirilgan to'pni Asliddin Soipov boshi bilan aniq darvozaga yo'llab, hisobni ochdi. Bahs davomida o'zini ko'rsatgan mehmonlar posboni bu vaziyatda jamoasini goldan qutqara olmadi.

Gol zavqi barbir boshqacha bo'ladi. Futbol aynan shu jihati bilan go'zaldir.

Doston Meliqo'zievning mana shu zarbasi golga aylanganidan hisob oshgan bo'lardi. Ammo yosh hujumchimiz zarbasi yo'liga andijonlik darvozabon tug'anoq bo'ldi.

Maruf Zokirjonov raqibining o'tib ketishiga yo'l quymayapti.

Iqbol Malikjonov doimgidek faol. Qo'qon futbolida yana bir yulduz etishib chiqmoqda.

Abror Rahmonov raqiblarga etarlicha tashvish tug'dirdi.

Zaxiradan maydonga tushgan Azizxon Ibragimov o'yinni kuchaytirishga erishdi.

Avazxon Mamatxo'jaev ikki raqib qurshovida.

Doston Meliqo'zievni mana shu tarzda kutib olish odatga aylandi.

Mehmonlar ustozini tushunish mumkin. Uning shogirdlari ketma-ket uchinchi uchrashuvda mag'lubiyatga uchradi.

Muhiddin Abduvaliev shogirdlariga tinmay ko'rsatma berib turdi. Natija ham shunga yarasha bo'ldi.

Muxlislarimiz bu bizning katta yutug'imiz. Bugun ularning soni oshib ketishiga ishonchimiz komil.