Jamshid Saidov: "O'tgan yilgi chempion bilan durang o'ynadik"

"Bugun stadionga minglar muxlislar kelishdi. Afsuski bayram namoyish etishni uddasidan chiqa olmadik. "Paxtakor" pressing qilishini bilardik. Raqib bir necha karra O'zbekiston chempioni va bir necha karra O'zbekiston kubogi sohibi. Dastlabki bo'limda atayin ustunlikni raqibga berib qo'ydik. O'yin oxirida ular charchab qolishlarini bilardik. Yigitlarimga rahmat aytaman. G'alaba sari intilish juda kuchli bo'ldi. Muxlislarga juda katta rahmat aytmoqchiman.

Biz o'tgan yilgi chempionga qarshi o'ynadik. Sardor Rahmonov jarohati bois maydonga tushmadi. Jasur Hasanov esa jarohatini davolab maydonga tushdi. Jamoa uchta o'yinda gol o'tkazmadi, ko'z tegmasin. Uchinchi uchrashuvda ham o'yindan gol ura olmadik? To'g'ri, lekin biz mashg'ulotlar vaqtida ishlayapmiz. Nasib qilsa katta g'alabalar hali oldinda. Jamoa yillar davomida shakllanadi, tarkibda yulduzlar jamlansa bu degani faqat g'alaba qozonamiz degani emas. Birozgina vaqt kerak, jamoa sifatida o'zimizga kelib olamiz.

Kamoliddin Murzoev bugun juda yaxshi o'ynadi, shunchaki yakuniy aniq zarba bo'lmadi. U raqib himoyachilarini doim sergaklikda ushlab turdi. Hakamlar borasida hech nima deya olmayman. Ularning ishini nazorat qiladigan insonlar bor.

"Buxoro"ning maqsadi har bir o'yinda g'alaba qozonish, bunga erishish uchun mehnat qilishda davom etamiz. Yigitlarda ruhiyat bor", - deydi Jamshid Saidov.