Yig'ilishda Birodar Abduraimov, Nikolay Lyubarsev, Evgeniy Valiskiy, Vecheslav Soloxo, SHamil Yafarov, Farxod Magamedov, Axrol Inoyatov, Mannop Yakubov, SHokir Ismailov, To'lagan Isoqov va yana bir qator faxriylar ishtirok etishdi.
Yig'ilish avvalida O'FA bosh kotibi Avaz Maksumov so'z boshlab, O'zbekiston futbol faxriylar kengashi raisi marhum Narimon Jalolov to'g'risida ularning futbol sohasida bosib o'tgan yo'li, o'zbek futboliga qo'shgan hissasi to'g'risida takidlab o'tdi. Faxriylar kengashi raisi lavozimiga masuliyatli, tajribali nomzodni tayinlash va ushbu masuliyatli ishda kengash azolari fikri muhim o'rin tutishini takidladi.
SHuningdek, Faxriylar kengashi azosi Evgeniy Valitskiy so'zga chiqib Narimon Jalolov xaqida iliq fikrlar bildirib, ularning faoliyatini munosib davom ettirish hamda faxriylar kengashini ushbu ishlarda faol bo'lishga chaqirdi.
Majlis davomida kengash azosi Axrol Inoyatov faxriylar salomatligini yaxshilash, futbol bilan doimiy shug'ullanishini taminlash maqsadida, musobaqa va xotira turnirlarini karantin talablariga rioya qilgan holda ko'proq tashkil etish hamda Faxriylar kengashi raisi lavozimiga munosib nomzodni saylash kerakligini takidladi.
SHundan so'ng so'z uzoq yillardan beri ushbu kengashda rais yordamchisi lavozimida ishlab kelayotgan o'zbek futboli afsonasi To'lagan Isoqovga so'z berildi. To'lagan O'lmasovich barchani hozirgi kunda kengash tomonidan amalga oshirilayotgan ishlar, o'tkazilishi rejalashtirilayotgan musobaqalar xaqida xabardor qilib o'tdi.
Avaz Maksumov faxriylar kengashi raisi lavozimiga mutaxassis tayinlash yuzasidan To'lagan Isoqov nomzodini tavsiya qildi va kengash azolari tomonidan bir ovozdan maqullandi.
Bosh sahifaga
575