Zoir To'raqulov: “Noxush ananani buzishga harakat qilamiz”

-  CHempionatda shunchaki o'yinlar bo'lmaydi. Har biri muhim va ahamiyati jihatidan yuqori darajada turadi. Aynan “Metallurg” bilan bo'lajak uchrashuv ham bundan mustasno emas. Jiddiy tayyorgarlik ko'rdik. Ikkinchi turdan keyin yuzaga kelgan tanaffusdan unumli foydalanishga harakat qildik. Garchi, dastlabki turlarda omadsizlikka uchragan bo'lsak-da, yigitlarning ruhiy tayyorgarligi, kayfiyati yaxshi. Negaki, bu hali boshlanishi. Mag'lubiyatlardan fojea yasashga haqqimiz yo'q. Futbolchilarimiz buni yaxshi tushunishadi va shu bois, o'z ishlariga professionalizim nuqtai nazaridan yondoshishmoqda.

-  Zoir aka, ko'pchilikka sir emas, “Metallurg” jamoasi g'uzorliklarga noqulay raqib sanaladi...
-  Fikringizni tushundim. Haqiqatdan ham shunday. Bu borada shunday demoqchiman: har qanday raqibni hurmat qilamiz. “Metallurg” ham mamlakatimiz futbolida o'z o'rni, obro'si va mavqeiga ega jamoa. Lekin biz Bekobodga yaxshi natija qayd etish uchun kelyapmiz. Qolaversa, o'sha noxo'sh ananani bo'zishga harakat qilamiz.